Stop Musor الەۋمەتتىك-ەكولوگيالىق جوباسى ەكىنشى جىل ىسكە اسۋدا.
جىل سايىن اكسياعا بۇكىل الەم بويىنشا 180-نەن استام ەل جانە 18 ميلليون ەرىكتى قاتىسادى. ەكولوگيالىق قوزعالىس اياسىندا قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگى جانە قالالىق اكىمدىكتەردىڭ قولداۋىمەن ەكو اكسيا وتكىزىلۋدە، دەپ حابارلايدى Almaty-akshamy.kz Vecher.kz-كە سىلتەمە جاساپ.
«مەملەكەت باسشىسى ءوز جولداۋىندا اتاپ وتكەندەي، وسكەلەڭ ۇرپاقتى مەكتەپتەر مەن جوو-لاردا ەكولوگيالىق تاربيەلەۋگە ءتيىستى نازار اۋدارۋ قاجەت. قوعامداعى ەكولوگيالىق قۇندىلىقتاردى نىعايتۋعا باعىتتالعان Birge – taza Qazaqstan ەكولوگيالىق اكسياسىن جۇيەلى تۇردە وتكىزگەن ءجون. قازاقستاننىڭ ەكولوگيالىق ۇيىمدارىنىڭ قاۋىمداستىعى حالىقتىڭ ساۋاتتىلىعى مەن الەۋمەتتىك جاۋاپكەرشىلىگىن ارتتىرۋعا، سونداي-اق قازاقستان ازاماتتارى اراسىندا تۇرمىستىق قالدىقتاردى جاۋاپتى كادەگە جاراتۋ مادەنيەتىن تاربيەلەۋگە باعىتتالعان Stop Musor الەۋمەتتىك – ەكولوگيالىق جوباسىن ەكىنشى جىل ىسكە اسىرۋدا، - دەيدى جوبانىڭ باسپا ءسوز حاتشىسى مەرۋەرت سايلاۋ قىزى.
ناۋقانعا اركىم ءوز ءۇيىن نەمەسە پاتەرىن تازالاۋدان باستاپ، ەسكى جانە قاجەت ەمەس زاتتاردان ارىلا وتىرىپ، بەلسەندى قاتىسا الادى، ويتكەنى ناۋقان قايتا وڭدەۋگە جانە سۇرىپتاۋعا باعىتتالعان.
«سونىمەن قاتار، رۇقسات ەتىلمەگەن قوقىسقا شاعىمدى stopmusor.kz سايتى ارقىلى نەمەسە سول اتاۋداعى ءموبيلدى قوسىمشانىڭ كومەگىمەن بەرۋگە بولادى. جۇكتەپ العاننان كەيىن ءاتى-جونىڭىزدى جانە ەلەكتروندىق مەكەن-جايىڭىزدى كورسەتە وتىرىپ، تىركەۋدەن ءوتۋىڭىز كەرەك. ودان كەيىن «شاعىم بەرۋ» باتىرماسىن باسىڭىز، فوتوسۋرەتتى جۇكتەپ، قوقىس تاستايتىن جەردىڭ مەكەنجايىن كورسەتىڭىز»، - دەپ ءتۇسىندىردى مەرۋەرت سايلاۋ قىزى.