دارى-دارمەكتەر مەن مەديسينالىق بۇيىمداردىڭ ازايمايتىن قورىن ساتىپ الۋ 25%-عا دەيىن ۇلعايدى.
پاندەميا دەنساۋلىق ساقتاۋدىڭ كوپتەگەن ماسەلەلەرىن، سونىڭ ىشىندە سىبايلاس جەمقورلىقتى اشتى. بۇل دەنساۋلىق ساقتاۋ سالاسىنداعى سىبايلاس جەمقورلىق تاۋەكەلدەرىن سىرتقى تالداۋ سيكلىن باستاۋعا نەگىز بولدى، دەپ حابارلايدى Almaty-akshamy.kz.
ق ر سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، وتكەن جىلى الەۋمەتتىك مەديسينالىق ساقتاندىرۋ قورى مەن دەنساۋلىق ساقتاۋ مينيسترلىگىنىڭ ورتالىق اپپاراتى تالداۋمەن قامتىلدى.
بيىل مەديسينالىق جانە فارماسيەۆتيكالىق باقىلاۋ كوميتەتى مەن دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىندە تولاسسىز سىرتقى تالداۋلار اياقتالدى.
بارلىعى 138 سىبايلاس جەمقورلىق تاۋەكەلى انىقتالدى، ولار بويىنشا 246 ۇسىنىم ازىرلەندى. اتاپ ايتقاندا، نىسانالى ينديكاتور – «پاسيەنتتەردىڭ مەديسينالىق كومەك ساپاسىنا قاناعاتتانۋى» ناتيجەلەرىنىڭ بۇرمالانۋىنىڭ جوعارى تاۋەكەلى بەلگىلەندى، بۇل دەنساۋلىق ساقتاۋ جۇيەسىنىڭ ساپاسى بويىنشا وبەكتيۆتى كورىنىستى بۇلدىراتادى.
دارى-دارمەككە ولار بولماعان كەزدە ولارعا ماركەتينگتىك، كولىكتىك، كەدەندىك شىعىستاردى قوسۋ ەسەبىنەن باعانى جاساندى كوتەرۋ ءۇشىن جاعدايلار انىقتالدى.
قاۋىپتەرگە سانيتارلىق-ەپيدەميولوگيالىق قىزمەتتىڭ باقىلاۋ-قاداعالاۋ فۋنكسيالارى جاتادى، ولار بۇگىنگى كۇنگە دەيىن سيفرلاندىرىلماعان.
«بارلىق سىبايلاس جەمقورلىق تاۋەكەلدەرى بويىنشا ۇسىنىستار جاسالىپ، دەنساۋلىق ساقتاۋ مينيسترلىگىنە جولداندى»، - دەلىنگەن ۆەدومستۆو حابارلاماسىندا.
بۇل رەتتە، اگەنتتىكتىڭ وتكەن جىلعى ۇسىنىمدارىن ىسكە اسىرۋدىڭ وڭ مىسالدارىنىڭ ءبىرى «سك-فارماسيا» ج ش س تمككك شەڭبەرىندە جانە مىندەتتى الەۋمەتتىك مەديسينالىق ساقتاندىرۋ جۇيەسىندە دارىلىك زاتتاردى، مەديسينالىق بۇيىمداردى ساتىپ الۋدى ۇيىمداستىرۋ جانە وتكىزۋ قاعيدالارىن جاڭارتقانىن اتاپ وتكەن ءجون. تيىسىنشە، تەندەرلىك راسىمدەردى وتكىزۋ مەرزىمى 2 ەسەگە جۋىق قىسقارتىلدى، دارى-دارمەكتەر مەن مەديسينالىق بۇيىمداردىڭ ازايمايتىن قورىن ساتىپ الۋ 25% - عا دەيىن ۇلعايدى، حالىقارالىق فارماسيەۆتيكالىق ۇيىمداردان دارى-دارمەكتەر مەن مەديسينالىق بۇيىمداردى ساتىپ الۋ كوزدەلگەن.
مۇنىڭ ءبارى وتكەن جىلى كوروناۆيرۋستىق ينفەكسيانىڭ تارالۋى كەزىندە حالىق تاپ بولعان مەديسينالىق مەكەمەلەردەگى دارى-دارمەك تاپشىلىعىنىڭ جاعدايىن بولدىرمايدى.