ونىڭ ىشىندە الماتى وبلىسىندا 11550 ورىندىق 10 مەكتەپ بار.
ق ر وقۋ-اعارتۋ مينيسترلىگى "قۇرىلىسى جانە رەكونسترۋكسيالانۋى ءبىلىم بەرۋ ينفراقۇرىلىمىن قولداۋ قورىنىڭ قاراجاتى ەسەبىنەن قارجىلاندىرىلاتىن ورتا ءبىلىم بەرۋ وبەكتىلەرىنىڭ باسىم تىزبەسىن بەكىتۋ تۋرالى" 2023 جىلعى 17 اقپانداعى بۇيرىققا قول قويدى، دەپ حابارلايدى Almaty-akshamy.kz
جالپى تىزىمدە 62 مەكتەپ بار. ماسەلەن، استانادا 7425 وقۋشىعا ارنالعان 10 مەكتەپ سالۋ جوسپارلانعان.
وڭىرلەر بويىنشا الساق، الماتى وبلىسىندا 11550 ورىندىق 10 مەكتەپ، تۇركىستان وبلىسىندا 2050 ورىندىق 9 مەكتەپ، جامبىل وبلىسىندا 2850 ورىندىق 6 مەكتەپ، قىزىلوردا وبلىسىندا 2175 ورىندىق 5 مەكتەپ، ماڭعىستاۋ وبلىسىندا 4800 ورىندىق 4 مەكتەپ سالۋ كوزدەلىپ وتىر.
اقمولا وبلىسىندا 600 ورىندىق ەكى مەكتەپ، اقتوبە وبلىسىندا 620 ورىندىق ءۇش مەكتەپ، اتىراۋ وبلىسىندا 1200 ورىندىق ەكى مەكتەپ، شىعىس قازاقستان وبلىسىندا 900 ورىندىق ەكى مەكتەپ، باتىس قازاقستان وبلىسىندا 708 ورىندىق ەكى مەكتەپ، قوستاناي وبلىسىندا 1080 ورىندىق ەكى مەكتەپ، سولتۇستىك قازاقستان وبلىسىندا 900 ورىندىق ەكى مەكتەپ سالۋ جوسپارلانعان.
جەتىسۋ، ۇلىتاۋ جانە پاۆلودار وبلىستارىندا سايكەسىنشە 1200، 200 جانە 312 ورىندىق ءبىر مەكتەپتەن سالىنادى.
مەكتەپ قۇرىلىسىنا 96 ميلليارد 495 ميلليون تەڭگە ءبولۋ جوسپارلانعان. بۇل قاراجات جاڭا مەكتەپتەردى سالۋعا جانە بۇرىننان بار مەكتەپتەردى كەڭەيتۋگە جۇمسالادى.
ناۋرىز ايىنىڭ باسىندا ق ر وقۋ-اعارتۋ ءمينيسترى عاني بەيسەمبايەۆ 2023 جىلى جەمقورلاردان تاركىلەنگەن جانە ءبىلىم بەرۋ ينفراقۇرىلىمىن قولداۋ قورىنا تۇسكەن اقشاعا 70-تەن استام مەكتەپ سالىناتىنىن مالىمدەدى.