الەم كۋبوگىندا قازاقستان سۇرمەرگەندەرى تاعى ءبىر مەدال ەنشىلەدى

ەدۋارد ەششەنكو الماتىدا ءوتىپ جاتقان ستەند اتۋدان الەم كۋبوگىنىڭ كۇمىس جۇلدەگەرلەرى اتاندى.

قازاقستان سۇرمەرگەندەرى اسەم ورىنباي مەن ەدۋارد ەششەنكو الماتىدا ءوتىپ جاتقان ستەند اتۋدان الەم كۋبوگىنىڭ كۇمىس جۇلدەگەرلەرى اتاندى، دەپ حابارلايدى Almaty-akshamy.kz Zakon.kz-كە سىلتەمە جاساپ.

24 مامىردا ارالاس جۇپتار اراسىنداعى "سكيت" ءبولىمىنىڭ فينالىندا ءبىزدىڭ سپورتشىلار تەك يتاليانىڭ ەكىنشى كومانداسىنا جول بەرىپ، ەكىنشى بولدى. الەم كۋبوگىنىڭ يەگەرى بولىپ وليمپيادا ويىندارىنىڭ چەمپيونى ءارى كۇمىس جۇلدەگەرى بولىپ تابىلاتىن تاممارو كاسساندرو مەن چيارا كاينەرو اتاندى.

قولا مەدال يتاليانىڭ ءبىرىنشى كومانداسىنا بۇيىردى. اسەم ورىنباي مەن ەدۋارد ەششەنكو جۇبىنىڭ بۇل جۇلدەسى حالىقارالىق جارىستارداعى العاشقى ماراپاتتارى ەمەس، ولار بۇرىن حورۆاتيادا وتكەن الەم بىرىنشىلىگىندە "ميكستە" قولا مەدال يەلەنگەن بولاتىن.

ال اسەم ورىنباي ءۇشىن بۇل مەدال - الماتىدا وتكەن الەم كۋبوگىنىڭ ەكىنشى جۇلدەسى. ءبىر كۇن بۇرىن ول فينالدا ءۇندىستان وكىلى گانەمات سەحوننان وزىپ،"سكيت" جاتتىعۋىندا التىن مەدال ەنشىلەگەن بولاتىن.

ستەند اتۋدان الەم كۋبوگىنىڭ الماتىلىق كەزەڭى 29 مامىردا اياقتالادى.