كەيىن بۇل اقشا وڭىرلەرگە تاراتىلادى.
پرەمەر-مينيستردىڭ ورىنباسارى - قارجى ءمينيسترى ەرۇلان جاماۋبايەۆ جەمقورلاردان تاركىلەنگەن سومانى جاريالادى، دەپ حابارلايدى Almaty-akshamy.kz
بۇگىندە قازىناشىلىق ورگانداردا ارنايى ەسەپشوت اشىلعان. سوعان جەمقورلاردان تاركىلەنگەن اقشا اۋدارىلىپ وتىرادى.
"قازىرگى كەزدە ول ەسەپشوتتا، شامامەن، 120 ميلليارد تەڭگە جينالدى. ءبىز وقۋ-اعارتۋ مينيسترلىگىنەن وتىنىمدەردى كۇتىپ وتىرمىز. الدىمەن ءۇش اۋىسىممەن وقيتىن مەكتەپتەر جوندەلەدى. اعىمداعى جوندەۋ جۇمىستارى بار، مەكتەپتى كەڭەيتۋ ءۇشىن قوسىمشا قۇرىلىس سالىنادى. ەسەپشوتتاعى اقشا ەڭ ءبىرىنشى سوعان جۇمسالادى"، - دەدى جاماۋبايەۆ سەناتتا وتكەن بريفينگتە.
ءمينيستردىڭ ايتۋىنشا، بارلىق ءوتىنىم رەسپۋبليكالىق بيۋدجەت كوميسسياسىنىڭ قاراۋىنا شىعارىلادى.
ايتا كەتەرى، قاسىم-جومارت توقايەۆ جەمقورلاردان تاركىلەنگەن قاراجاتقا مەكتەپ سالۋدى تاپسىردى.