ەلوردادا تۋريزم جانە سپورت ءمينيسترى ەرمەك مارجىقپايەۆتىڭ قاتىسۋىمەن دەنە شىنىقتىرۋ جانە سپورت سالاسىنداعى ماسەلەلەر جانە ەل سپورتشىلارىنىڭ پاريجدە وتەتىن XXXIII جازعى وليمپياداعا دايىندىعى مەن قاتىسۋى بويىنشا كەڭەيتىلگەن القالى وتىرىس وتۋدە.
باسقوسۋعا وڭىرلىك دەنە شىنىقتىرۋ جانە سپورت باسقارمالارىنىڭ باسشىلارى، ۇلتتىق وليمپيادا كوميتەتىنىڭ، رەسپۋبليكالىق فەدەراسيا وكىلدەرى، ۇلتتىق قۇراما كوماندالاردىڭ باس جاتتىقتىرۋشىلارى، وليمپيادالىق سپورت تۇرلەرى بويىنشا مەملەكەتتىك جاتتىقتىرۋشىلارى جانە ۆەدومستۆولىق باعىنىستى ۇيىمداردىڭ باسشىلارى قاتىسىپ جاتىر، دەپ حابارلايدى اlmaty-akshamy.kz.
جيىن بارىسىندا قاتىسۋشىلار كۇن تارتىبىندە تۇرعان بەس ماسەلەنى تالقىلايدى.
ولار:1. سپورت تۇرلەرى بويىنشا ۇلتتىق قۇراما كوماندا سپورتشىلارىنىڭ ليسەنزيالىق جارىستارعا جانە 2024 جىلى پاريجدە وتەتىن 33 جازعى وليمپياداعا دايىندىق بارىسى
2. قازاقستاندا سپورتتىق مەديسينانى دامىتۋدىڭ وزەكتى ماسەلەلەرىن
3. سپورتتاعى دوپينگكە قارسى باعدارلاماسى
4. سپورت رەزەرۆىن جانە جوعارى دارەجەلى سپورتشىلاردى دايارلاۋ جۇيەسى
5. سالانى دامىتۋدىڭ نەگىزگى مىندەتتەرىن ايقىنداۋ
جيىن بارىسىندا مينيستر سپورتشىلاردىڭ كورسەتكەن ناتيجەلەرىنە كوڭىلى توللمايتىنىن جەتكىزدى.
ەڭ كەيىنگى وليمپيادا مەن ازيا ويىندارىنىڭ ناتيجەلەرى كوڭىل كوڭشىتپەيدى. جىلدان جىلعا قارجىلاندىرۋ كولەمى ارتىپ جاتقانىمەن، وكىنىشكە قاراي، سپورتتىق كورسەتكىشتەر مەن تيىمدىلىك تومەندەپ جاتىر. وسىنىڭ بارلىعى سپورت سالاسىنداعى قوردالانىپ، شەشىمىن تاپپاي كەلە جاتقان پروبلەمالاردىڭ بار ەكەنىن كورسەتەدى. وسى ورايدا، ەل پرەزيدەنتى قاسىم-جومارت كەمەل ۇلى توقايەۆ سپورت سالاسىنا تۇبەگەيلى وزگەرىستەر قاجەت ەكەنىنە باسا نازار اۋدارىپ، سالانىڭ ستراتەگيالىق دامۋىنىڭ باسىم باعىتتارىن بەلگىلەپ بەردى. ارىپتەستەر، الدىمىزدا ۇلكەن جاۋاپكەرشىلىك جۇكتەلىپ تۇر. ول – ءتورتجىلدىقتىڭ باستى دوداسى – پاريج وليمپيادسىنا دايارلىق. سونىمەن قاتار كەلەسى جىلى وزگە دە ءبىرقاتار اۋقىمدى ءىس-شارا جوسپارلانعان، دەدى ەرمەك مارجىقپايەۆ.
ەرمەك مارجىقپايەۆ ەلورداداعى القالى جيىندا سپورتتىق مەديسينا ماسەلەسىنە دە ەرەكشە توقتالىپ ءوتتى.
«سپورتتىق مەديسينانىڭ قازىرگى تاڭدا وزەكتى جانە ماڭىزدى باعىت ەكەنىن مويىنداۋىمىز كەرەك. قارقىندى دامىپ كەلە جاتقان سپورت الەمىندە سپورتشىلاردى دايىنداۋدا ەڭ وزىق تەحنولوگيالىق ادىستەر مەن قۇرالدار، ونىڭ ىشىندە ولاردى ساۋىقتىرۋ مەن قالپىنا كەلتىرۋدە قولدانىلادى. وكىنىشكە قاراي، ءبىزدىڭ سپورتتىق مەديسينا زاماناۋي تالاپتارعا ساي ەمەس. كەشە بۇل سالانىڭ پروبلەمالارى مەن دامىتۋ پەرسپەكتيۆالارى تالقىلانعان بولاتىن»، - دەدى مينيستر.