قازاقستان ورتالىق ازيادا ينتەرنەت جىلدامدىعى بويىنشا كوش باستادى.
Ookla (Speedtest Intelligence) جۇرگىزگەن زەرتتەۋگە سايكەس، قازاقستاندا ينتەرنەت جىلدامدىعى 2024 جىلدىڭ ءۇشىنشى توقسانىندا 53،26 مبيت/س بولعان، دەپ حابارلايدى aqshamnews.kz
بۇل باسقا ەلدەرمەن سالىستىرعاندا ايتارلىقتاي جوعارى. ەلىمىزدەن كەيىن ءۇشىنشى توقساندا ينتەرنەتىنىڭ ورتاشا جىلدامدىعى 41،36 مبيت/س بولعان قىرعىزستان تۇر. وزبەكستاندا بۇل كورسەتكىش نەبارى 38،96 مبيت/س جەتتى.
ساراپشىلاردىڭ مالىمەتىنشە، قازاقستانداعى ۇيالى بايلانىس نارىعى جوعارى باسەكەگە قابىلەتتى. نارىقتا Tele2، Kcell جانە Beeline سىندى ءۇش وپەراتور بار. ولاردىڭ اراسىندا Tele2 ەڭ جىلدام ۇيالى بايلانىس پروۆايدەرى اتاندى.
Speedtest Intelligence دەرەگىنە سۇيەنسەك، بۇل وپەراتوردىڭ ورتاشا جىلدامدىعى 2024 جىلدىڭ ءبىرىنشى جارتىسىندا 55،12 مبيت/س بولدى. ەكىنشى ورىندا Kcell 48،70 مبيت/س. Beeline 27،94 مبيت/س جىلدامدىقپەن ءۇشىنشى ورىندا.
سونداي-اق Tele2 ەلدەگى ءارى ورتالىق ازياداعى ەڭ جىلدام ۇيالى بايلانىس وپەراتورىنا اينالدى.