پاۆلودار وبلىسىندا قاتتى جەلدەن مەكتەپ پەن اكىمشىلىك عيماراتتىڭ شاتىرى ۇشىپ كەتتى، دەپ حابارلايدى اlmaty-akshamy.kz BAQ.KZ -كە سىلتەمە جاساپ.
ساعات 04.15-تە داۋىل باياناۋىل اۋدانى جاڭاتىلەك اۋىلىندا ءۇش قاباتتى ب.حايداروۆ اتىنداعى جالپى ورتا مەكتەپتىڭ شاتىرىن جارتىلاي ۇشىپ اكەتتى. 51 شارتى مەتر اۋماققا زاقىم كەلدى. ساعات 06.30-دا پاۆلودار قالاسىندا 1440 شارشى مەتر اۋماقتاعى ءتورت قاباتتى اكىمشىلىك عيماراتتىڭ شاتىرى ۇشىپ كەتتى. عيمارات 1980 جىلى سالىنعان، سوڭعى رەت بىلتىر جوندەۋ جۇرگىزىلىپ، جۇمىستار سول كۇيى اياقتالماعان. قازا بولعاندار مەن زارداپ شەككەندەر جوق - دەلىنگەن حابارلامادا.
سونىمەن قاتار، ماي اۋدانىنىڭ بەس ەلدى مەكەنىندە (باسكول، كەڭتۇبەك، مايتۇبەك، اقجار جانە كوكتوبە اۋىلدارى) ەلەكتر ەنەرگياسى اپاتتى جاعدايدا ءسوندى. ابونەنتتەر سانى ناقتىلانىپ جاتىر. اپات سالدارىن جويۋعا 15 مامان جۇمىلدىرىلدى.
سونىمەن قاتار 16 ەلدى مەكەننىڭ تۇرعىندارى جارىقسىز قالدى: اققۋلى اۋدانىنداعى بەسقاراعاي، جامبىل، جاڭاتاڭ، ايتەي، شارباقتى، توساعاش، جاباعىلى، قازى، مالىباي، قازانتاي، مايقاراعاي مەرعالىم، شاقا، شوقتال اۋىلدارى؛ اققۋلى مەن يامىشيەۆو اۋىلدارىندا ءىشىنارا جارىق ءوشىپ قالدى. ابونەنتتەر سانى انىقتالۋدا. 12 مامان اپاتتى جويۋعا كىرىستى.