بۇگىن ەلىمىزدىڭ كەيبىر وڭىرلەرىندە اۋا رايى قۇبىلمالى بولادى. جاڭبىر جاۋىپ، نايزاعاي وينايدى دەپ كۇتىلۋدە. اسىرەسە، ەلىمىزدىڭ سولتۇستىك جانە شىعىس ايماقتارىندا قاتتى جاۋىن-شاشىن بولۋى مۇمكىن دەپ بولجانىپ وتىر. ال وڭتۇستىك ايماقتاردا كۇن اشىق جانە جىلىلىق الىدە ساقتالادى. سينوپتيكتەردىڭ مالىمەتىنە سۇيەنسەك، كەي جەرلەردە جەلدىڭ جىلدامدىعى كۇشەيىپ، تۇمان ءتۇسۋى مۇمكىن، دەپ حابارلايدى aqshamnews.kz.
الماتى وبلىسىنىڭ باتىسىندا، سولتۇستىگىندە جوعارى ءورت ءقاۋىپى ساقتالادى. جەتىسۋ وبلىسىندا سولتۇستىك-شىعىستان جەل سوعادى، وبلىستىڭ الاكول كولدەرى اۋدانىندا ەكپىنى 15-20 م/س جەل كۇتىلۋدە. جامبىل وبلىسىنىڭ تاۋلى اۋداندارىندا كۇندىز نايزاعاي ويناپ، بۇرشاق، داۋىل كۇتىلەدى. اقمولا، سولتۇستىك قازاقستان، قوستاناي، اباي، شىعىس قازاقستان وبلىستارىندا تۇمان ءتۇسۋى ىقتيمال. تۇركىستان، قىزىلودا وبلىستارىندا داۋىل سوعۋى مۇمكىن دەپ بولجانىپ وتىر. ال ەلىمىزدىڭ باتىسىندا جوعارى ءورت ءقاۋىپى ساقتالادى.