2025 جىلدىڭ 9 قازاندا الماتى قالالىق ءبىلىم باسقارماسىنىڭ قولداۋىمەن الماتى ءسان جانە قىزمەت كورسەتۋ سالاسى كوللەدجىندە «جەكە قاۋىپسىزدىك ساباقتارى» اتتى قالالىق سەمينار-پراكتيكۋم ءوتتى. ءىس-شارانى كوللەدج ديرەكتورىنىڭ وقۋ-تاربيە ءىسى جونىندەگى ورىنباسارى وماروۆا كۇنىماي نۇرلىبايەۆنا ۇيىمداستىردى، - دەپ حابارلايدى اqshamnews.kz ءتىلشىسى.
سەمينار-پراكتيكۋمنىڭ ماقساتى — جاسوسپىرىمدەردىڭ ءارتۇرلى ومىرلىك جاعدايلاردا ءقاۋىپسىز مىنەز-قۇلىق داعدىلارىن قالىپتاستىرۋ، ءوز ءومىرى مەن دەنساۋلىعىنا جاۋاپكەرشىلىكپەن قاراۋعا ۇيرەتۋ، قۇقىقتىق ساۋاتتىلىقتى ارتتىرۋ، سونداي-اق ەرتە جۇكتىلىكتىڭ جانە قۇقىق بۇزۋشىلىقتىڭ الدىن الۋ ماسەلەلەرىن تالقىلاۋ بولدى.
ءىس-شارانى الماتى ءسان جانە قىزمەت كورسەتۋ سالاسى كوللەدجىنىڭ ديرەكتورىنىڭ وقۋ ءىسى جونىندەگى ورىنباسارى ۇيابايەۆا گۇلزيرا جاقسىلىقوۆنا اشىپ بەرىپ، قاتىسۋشىلارعا ساتتىلىك تىلەدى. الماتى قالالىق ءبىلىم باسقارماسىنىڭ قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ ادىسكەرى سماعۇلوۆا گۇلحان ءالىمحانوۆنا العىس ءسوزىن ءبىلدىردى.
سەمينارعا الماتى قالاسى پوليسيا دەپارتامەنتىنىڭ جەرگىلىكتى پوليسيا قىزمەتى باسقارماسىنىڭ يۋۆەنالدى پوليسيا ءبولىمىنىڭ اعا ينسپەكتورى، پوليسيا مايورى بەيسەنوۆا زارينا نۇربايەۆنا، توتەنشە جاعدايلار دەپارتامەنتىنىڭ ينجەنەرى، اعا لەيتەنانتى تويبولدين ەرنۇر قايرات ۇلى، قاج دەپارتامەنتىنىڭ №11 مەكەمەسىنىڭ رەجيم ءبولىمىنىڭ باسشىسى جۇماديلوۆ ەردوc باعيبايەۆيچ، سونداي-اق جاستار جانە وتباسى ورتالىعىنىڭ ءبولىم مەڭگەرۋشىسى ءابدىقادىروۆا اياكوز داۋلەتحان قىزى قاتىستى.
سەمينار بارىسىندا قاتىسۋشىلار ءوز سالالارى بويىنشا ماڭىزدى اقپاراتتارمەن ءبولىسىپ، جاستارعا ارنالعان ءتۇسىندىرۋ جۇمىستارىن جۇرگىزدى. كوللەدجدىڭ وقۋ-ادىستەمەلىك جۇمىسى جونىندەگى ورىنباسارى، پسيحولوگ، رەليۆ-تەراپيەۆت اگانينا گالينا ۆيكتوروۆنا «كوشباسشىنىڭ ءتيىمدى قارىم-قاتىناسى: تاربيە جۇمىسى جۇيەسىندەگى ترانزاكسيالىق تالداۋ» تاقىرىبىندا بايانداما جاسادى. ال توپ كۋراتورى مۇناتايەۆا ايگۇل امانگەلدييەۆنا «قاۋىپسىزدىك مادەنيەتىن تاربيەلەۋدەگى ءبىلىم الۋشىلار مەن اتا-انالاردىڭ ءرولى» اتتى تاقىرىپتا قۇندى اقپارات ۇسىندى.
ءىس-شارا جوعارى دەڭگەيدە ۇيىمداستىرىلىپ، قاتىسۋشىلار ءوزارا تاجىريبە الماستى. قوناقتار تاراپىنان قويىلعان سۇراقتارعا تولىققاندى جاۋاپتار بەرىلدى. سونىمەن قاتار سەمينار باعدارلاماسى اياسىندا قاتىسۋشىلاردىڭ كوڭىلىن كوتەرۋ ماقساتىندا تەاتر جەتەكشىلەرى بايمۋراتوۆا اسەمگۇل كەرىمبايەۆنا جانە ادىلبەك ۇلجان بەكتەمىر قىزىنىڭ جەتەكشىلىگىمەن «بالانىڭ قۇقىقتارى مەن مىندەتتەرى: زاڭدى كوزقاراس جانە قوعامداعى جاعداي» اتتى ساحنالىق كورىنىس قويىلدى.
كورەرمەندەر كوللەدج ستۋدەنتتەرىنىڭ بي ونەرىن تاماشالاپ، جاعىمدى اسەرمەن تاراستى. سەمينار سوڭىندا قاتىسۋشىلار وسىنداي مازمۇندى ءىس-شارالاردىڭ جاستاردىڭ قاۋىپسىزدىك مادەنيەتىن ارتتىرۋداعى ماڭىزدىلىعىن ەرەكشە اتاپ ءوتتى.
الماتى ءسان جانە قىزمەت كورسەتۋ
سالاسىنىڭ پەداگوگ-پسيحولوگى شولپانبايەۆا س.ن.