HR Enbek ەڭبەك رەسۋرستارى پورتالىندا «قىزمەتكەردىڭ جەكە ءىسى» سەرۆيسىندە جۇمىسقا ورنالاسۋ ءۇشىن قاجەتتى مەديسينالىق كىتاپشا قولجەتىمدى بولدى.
قۇجات ازاماتتار ءۇشىن «جەكە مەديسينالىق كىتاپشالار» بولىمىندە، سونداي-اق جۇمىس بەرۋشىلەر ءۇشىن قىزمەتكەرلەردىڭ كەلىسىمىن الا وتىرىپ، سۇراۋ سالۋ ارقىلى قول جەتىمدى.
2025 جىلعى 1 قاڭتاردان باستاپ ق ر دەنساۋلىق ساقتاۋ مينيسترلىگى جەكە مەديسينالىق كىتاپشالاردىڭ (سانيتارلىق كىتاپشالاردىڭ) ەلەكتروندىق فورماتىن ەنگىزدى.
ەلەكتروندىق جۇيە قىزمەتكەرلەردىڭ 15 ساناتىن قامتيدى، ونىڭ ىشىندە قوعامدىق تاماقتانۋ، ءدارىحانالار، ساناتوريي قىزمەتكەرلەرى، سونداي-اق قىزمەت كورسەتۋ سالاسىنىڭ جۇمىسكەرلەرى مەن مەديسينالىق پەرسونال بار. بۇل ساناتتار ءۇشىن تۇراقتى فيزيكالىق تەكسەرۋلەر جىلىنا ءبىر رەت نەمەسە التى ايدا ءبىر رەت وتكىزىلەدى.
بۇدان كەيىن سانيتارلىق كىتاپشانىڭ ەلەكتروندىق نۇسقاسى HR Enbek پورتالىنا ەنگىزىلدى، بۇل جۇمىس ىستەۋ ءۇشىن تۇراقتى مەديسينالىق تەكسەرۋدەن ءوتۋدى قاجەت ەتەتىن ازاماتتاردىڭ جۇمىسقا ورنالاسۋىن جەڭىلدەتۋگە ءتيىس.
جەكە تۇلعانىڭ ءۇشىنشى تۇلعالارعا بەرۋ ءۇشىن دەربەس دەرەكتەردى وڭدەۋگە كەلىسىمى ءموبيلدى ازاماتتار بازاسىندا تىركەلگەن قىزمەتكەردىڭ نومىرىنە SMS جىبەرۋ ارقىلى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ دەربەس دەرەكتەرىنە قول جەتكىزۋدى باقىلاۋ سەرۆيسىمەن جۇزەگە اسىرىلاتىنىن اتاپ ءوتۋ قاجەت. سونداي-اق، بۇل كەلىسۋ HR Enbek پورتالىندا نەمەسە AppStore جانە GooglePlay ارقىلى جۇكتەۋگە بولاتىن ءموبيلدى قوسىمشاسىندا ەسق كومەگىمەن بەرىلەدى.
كادرلىق قامتاماسىز ەتۋدىڭ اقپاراتتىق جۇيەلەرى بار جۇمىس بەرۋشىلەرگە Smart Bridge ارقىلى «قىزمەتكەردىڭ جەكە ءىسى» تەگىن سەرۆيسىنە قوسىلۋ مۇمكىندىگى بەرىلەدى.
ەستەرىڭىزگە سالا كەتەيىك، «قىزمەتكەردىڭ جەكە ءىسى» سەرۆيسى HR Enbek پورتالىندا 2022 جىلى ىسكە قوسىلعان جانە جۇمىس بەرۋشىگە قىزمەتكەردىڭ كەلىسىمىمەن جەكە كۋالىكتەن، ءبىلىمى، جۇمىس تاجىريبەسى، فوتو، مەديسينالىق انىقتامالار جانە ت. ب. اقپارات سياقتى دەربەس دەرەكتەرگە قول جەتكىزۋگە مۇمكىندىك بەرۋ ارقىلى اڭگىمەلەسۋ جانە جۇمىسقا ورنالاستىرۋ پروسەستەرىن جەڭىلدەتۋگە باعىتتالعان.