جەكە اۋدارىمدارعا سالىق سالىنبايدى

كەيبىر كاسىپكەرلەردى ءموبيلدى اۋدارىمدار ارقىلى تولەمدەردى قابىلداۋدان باس تارتىپ، قولما-قول اقشا تالاپ ەتە باستادى.

ءموبيلدى اۋدارىمدار تۋرالى زاڭ جوباسى كوپتەگەن قازاقستاندىقتاردى الاڭداتىپ وتىر، دەپ حابارلايدى Almaty-akshamy.kz

الايدا قارجى مينيسترلىگى الاڭداۋعا نەگىز جوق ەكەنىن ايتتى.

«مەملەكەتتىك كىرىستەر كوميتەتىنە مالىمەتتەردى بەرۋگە الاڭداۋدىڭ قاجەتى جوق. جەكە اۋدارىمدارعا سالىق سالىنبايدى. ال جەكە كاسىپكەرلەر قابىلدانعان موراتوريي اياسىندا 2023 جىلعا دەيىن تابىس سالىعىن تولەۋدەن بوساتىلادى»، - دەپ ءتۇسىندىردى قارجى مينيسترلىگى.

25 قاراشادا سەنات دەپۋتاتتارى «ءموبيلدى تولەمدەر» تۇسىنىگىن ەنگىزەتىن زاڭ قابىلدادى، ياعني كاسىپكەرلەر ءموبيلدى اۋدارىمدار ءۇشىن سالىق تولەيتىن بولادى.

وعان ءالى پرەزيدەنت قول قويعان جوق. زاڭدا ەكىنشى دەڭگەيلى بانكتەردى 2025 جىلدان باستاپ ءموبيلدى تولەمدەر مەن ازاماتتاردىڭ اۋدارىمدارى تۋرالى اقپاراتتى مەملەكەتتىك كىرىستەر ورگاندارىنا بەرۋگە مىندەتتەيتىن نورما بار.

جاڭا زاڭ كەيبىر كاسىپكەرلەردى قورقىتتى. ولار ءموبيلدى اۋدارىمدار ارقىلى تولەمدەردى قابىلداۋدان باس تارتىپ، قولما-قول اقشا تالاپ ەتە باستادى. ماسەلەنى قولدا بار دەرەكتەرگە سۇيەنە وتىرىپ قاراستىراتىن بولساق، الداعى بىرەر جىلدا ەشتەڭە وزگەرمەيدى.