7 ايدا "جەدەل جاردەمگە" 4 746 633 شاقىرتۋ تۇسكەن.
بۇل رەتتە شۇعىل مەديسينالىق كومەك كورسەتۋدى قاجەت ەتەتىن اۋىر جاعدايداعى پاسيەنتتەرگە جەدەلدىكتىڭ 1 ساناتى بويىنشا 234 065 قوڭىراۋ قابىلدانعان، دەپ حابارلايدى Almaty-akshamy.kz Inbusiness.kz سىلتەمە جاساپ.
2 ساناتتاعى جەدەلدىك بويىنشا 1 310 279 شاقىرتۋ، 3 ساناتتاعى جەدەلدىك بويىنشا 1 407 344، 4 ساناتتاعى جەدەلدىك بويىنشا 1 794 945 شاقىرتۋ قابىلدانعان.
تامىز ايىندا COVID-19 بەلگىلەرىنە بايلانىستى 3209 شاقىرتۋ بولعان، 1476 ادام اۋرۋحاناعا جاتقىزىلدى.
"قوڭىراۋلاردىڭ جالپى سانىنىڭ 4،3%-عا وسكەنى بايقالادى. "جەدەل جاردەمنىڭ" 2022 جىلى 7 اي ىشىندە كەلۋىنىڭ ورتاشا ۋاقىتى 13،1 مينۋتتى قۇرادى. جالپى، قازاقستاندا جەدەل مەديسينالىق جاردەم قىزمەتى 18 دەربەس ستانسيادان، 121 قالالىق قوسالقى ستانسيادان جانە 291 اۋداندىق بولىمشەدەن تۇرادى"،- دەپ جازىلعان دسم باسپا ءسوز قىزمەتىنىڭ حابارلاماسىندا.