كومپانيانىڭ پارنيكتىك گاز شىعارىندىلارىن ازايتۋ شارالارىنا نازار اۋدارىلدى
كەزدەسۋدە «ارسەلورميتتال تەمىرتاۋ» كومپانياسىنىڭ قازاقستانداعى قىزمەتىنىڭ وزەكتى ماسەلەلەرى مەن الداعى ۋاقىتقا ارنالعان جوسپارى تالقىلاندى، دەپ حابارلايدى Almaty-akshamy.kz اقوردا سايتىنا سىلتەمە جاساپ.
سونداي-اق وندىرىستە قاۋىپسىزدىكتى قامتاماسىز ەتۋ، جەرگىلىكتى تۇرعىندارعا ءادىل ەڭبەكاقى تولەۋ، الەۋمەتتىك مىندەتتەمەلەردى ورىنداۋ جانە ماتەريالدىق-تەحنيكالىق بازانى جاڭعىرتۋ ماسەلەلەرى اڭگىمەنىڭ ارقاۋىنا اينالدى.
مەملەكەت باسشىسى كومپانيانىڭ اتالعان تالاپتار مەن مىندەتتەمەلەردى ورىنداۋى اسا ماڭىزدى ەكەنىن ايتتى.
سونىمەن قاتار پرەزيدەنت ىشكى نارىقتىڭ قاجەتتىلىگىن «ارسەلورميتتال تەمىرتاۋ» كاسىپورنىنىڭ ونىمدەرىمەن وتەۋ ماسەلەسىنە ءمان بەردى.
بۇدان بولەك، كومپانيانىڭ پارنيكتىك گاز شىعارىندىلارىن ازايتۋ شارالارىنا دا نازار اۋدارىلدى.
لاكشمي ميتتال قاسىم-جومارت توقايەۆقا جۋىق ارادا «ارسەلورميتتال» كومپانياسى قازاقستانعا 1 ميلليارد دوللار كولەمىندە ينۆەستيسيا قۇياتىنىن، ونىڭ باسىم بولىگى ءوندىرىستى جاڭعىرتۋعا باعىتتالاتىنىن جەتكىزدى.