حان مەن سۇلۋ اتتى كەرىكتەر جۇبى كىشكەنتاي ەركەك قۇلىندى ومىرگە اكەلدى.
الماتىنىڭ زووباعىندا ورىن العان جاعىمدى جاڭالىقپەن حايۋاناتتار باعىنىڭ باسپا ءسوز قىزمەتى جاريالادى. مامانداردىڭ مالىمەتىنشە، كەرىكتىڭ بالاسى شىلدە ايىنىڭ سوڭىندا دۇنيەگە كەلگەن، دەپ حابارلايدى Almaty-akshamy.kz.
«بۇگىن سىزدەرمەن كەزەكتى جاقسى جاڭالىعىمىزبەن بولىسپەكپىز. الماتى حايۋاناتتار باعىنداعى حان مەن سۇلۋ اتتى كەرىكتەر جۇبى كىشكەنتاي ەركەك قۇلىندى ومىرگە اكەلدى. جاڭا تۋعان كىشكەنتاي كەرىك شىلدە ايىنىڭ سوڭىندا دۇنيەگە كەلدى»، – دەپ جازدى الماتى زووباعى ءوزىنىڭ Instagram پاراقشاسىندا.
ءقازىر ول اكەسى مەن اپكەسىنەن بولەك اناسىمەن بىرگە تۇرىپ جاتىر.
«وعان ءالى ات قويىلمادى. سوندىقتان ءبىز كىشكەنتاي كەرىككە ات قويۋعا بايقاۋ جاريالايمىز. سۇيكىمدى جانۋاردىڭ تۇرىنە قاراپ ەرەكشە ەسىمدەردى ايتىڭىزدار. پاراقشامىزعا پىكىر قالدىرىپ، ءوز ۇسىنىستارىڭىزدى جازىڭىزدار»، – دەلىنگەن زووباقتاعىلار جاريالاعان جازبادا.
بيىل زووباقتاعى تۇياقتىلار بولىمىندە 19 ءتول ومىرگە كەلگەن. ماماندار الدا ءالى جاعىمدى جاڭالىقتار كوپ بولاتىنىن اتاپ ءوتتى.
«زووباق – وزىنە ءتان تابيعاتى بار، جانۋارلاردىڭ ەرەكشە الەمى. مۇندا جانۋارلار ءوزارا جۇپ قۇرىپ، تولدەپ، كوبەيىپ جاتادى. ءبىز زووباعىمىزداعى جاڭا تولدەردىڭ تۋعانىن ولاردىڭ كىشكەنە ءوسىپ، قاتايعانىنان كەيىن عانا كوپكە جاريالايمىز»، – دەپ حابارلادى زووباقتاعىلار.
پوسموترەت ەتۋ پۋبليكاسيۋ ۆ Instagram