ەكىباستۇزداعى اپات الماتى قالاسىندا قايتالانۋى مۇمكىن بە؟
بۇگىن الماتى قالاسى اكىمىنىڭ مىندەتىن اتقارۋشى ەربولات دوسايەۆ تۇركسىب اۋدانىنىڭ تۇرعىندارىمەن كەزدەستى. جيىندا اۋدان تۇرعىندارىنىڭ ءبىرى شاھار باسشىسى ەربولات دوسايەۆقا جىلۋ جانە ەلەكتر جەلىلەرىنىڭ دايىندىعى تۋرالى سۇراق قويدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتىدا ەكىباستۇزداعىداي جىلۋ جۇيەلەرىن ءوشىرۋ ءقاۋپى بار ما؟» - دەپ سۇرادى اۋدان تۇرعىنى.
الماتى اكىمى ەكىباستۇزداعى جاعدايدى بولدىرماۋ ءۇشىن قولىنان كەلگەنىن جاساپ جاتقانىن ايتتى.
«ءبىز قىس مەزگىلىنە قاعاز جۇزىندە عانا ەمەس، وتە جاقسى دايىندالدىق. جاقىندا مەملەكەت باسشىسى مەن پرەمەر-مينيستردەن ەنەرگەتيكا جۇيەسىنە ريەۆيزيا جۇرگىزەمىز دەگەن تاپسىرما كەلدى. جۇمىس 1 جەلتوقساندا باستالادى»، - دەدى ەربولات دوسايەۆ
سونىمەن قاتار، ول قۇزىرلى ورگاندار ەكى اپتا ىشىندە 1-15 جەلتوقسان ارالىعىندا جىلۋ جەلىلەرى مەن قازاندىقتاردى قوسىمشا تەكسەرۋدەن وتكىزەتىنىن اتاپ ءوتتى.
«ازىرگە اپاتقا اكەلەتىن العىشارتتار جوق دەپ ۇمىتتەنەمىن. جاقىندا گوگول كوشەسىندە توتەنشە جاعداي بولدى، جەلىلەر توزعان، ءبىراق الماتى مۇنداي جاعدايعا دايىن»، - دەدى ول.