1 شىلدەدەن باستاپ.
اتاپ ايتساق، 2023 جىلعى 1 شىلدەدەن باستاپ "جەدەل جاردەم" جۇرگىزۋشىلەرى جۇمىستارىنىڭ كەڭەيتىلگەن سيپاتتاماسىن ەسكەرە وتىرىپ، ولارعا ەرەكشە ەڭبەك جاعدايلارى ءۇشىن بلا-دان 200% (35 394 تەڭگە) مولشەرىندە جاڭا قوسىمشا اقى بەلگىلەۋ ۇسىنىلىپ وتىر، دەپ حابارلايدى Almaty-akshamy.kz
دەنساۋلىق ساقتاۋ مينيسترلىگى ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسىنە تولىقتىرۋ ازىرلەدى.
دەنساۋلىق ساقتاۋ مينيسترلىگىنىڭ مالىمەتىنشە، قازىرگى ۋاقىتتا جەدەل مەديسينالىق جاردەم جۇرگىزۋشىلەرىنىڭ اراسىندا جالاقىنىڭ تومەندىگى بولىگىندە رەزونانس بايقالادى، بۇل ەرەۋىلدەرگە الىپ كەلۋدە (جاڭاوزەن قالاسىندا، ماڭعىستاۋ، اقتوبە وبلىستارىندا).
ءوز كەزەگىندە دەنساۋلىق ساقتاۋ مينيسترلىگى ەرەكشە ەڭبەك جاعدايلارى ءۇشىن بلا-دان 200% مولشەرىندە جاڭا قوسىمشا اقى بەلگىلەۋدى ۇسىندى.
مىندەتتى تۇردە العاشقى كومەك كۋرستارىنان وتۋگە جاتاتىن مەديسينالىق ءبىلىمى جوق ادامداردىڭ كونتينگەنتىنە مەديسينالىق ءبىلىمى جوق دەنساۋلىق ساقتاۋ ۇيىمدارىنىڭ قىزمەتكەرلەرى، ونىڭ ىشىندە جەدەل جاردەم جۇرگىزۋشىلەرى دە كىرەدى.
دەنساۋلىق ساقتاۋ مينيسترلىگى 2023-2025 جىلدارعا ارنالعان قاراجاتقا قوسىمشا قاجەتتىلىك 11 096 جۇرگىزۋشىگە 13 369 ميلليون تەڭگە ەكەنىن ەسەپتەدى:
2023 جىل (1 شىلدەدەن باستاپ) – بارلىعى 2 602،6 ملن تەڭگە: دسم – 2 588،8 ملن تەڭگە (10 928،25 شت.بىرلىك)، ۇقك – 0،8 ملن تەڭگە (3 شت.بىرلىك)، تجم – 13،0 ملن ەڭگە (165 شت.بىرلىك)؛
2024 جىل – بارلىعى 5 327،7 ملن تەڭگە: دسم – 5 247،1 ملن تەڭگە (10 928،25 شت.بىرلىك)، ۇقك – 1،4 ملن تەڭگە (3 شت.بىرلىك)، تجم – 79،2 ملن تەڭگە (165 شت.بىرلىك)؛
2025 جىل – بارلىعى 5 438،7 ملن تەڭگە:دسم– 5 356،3 ملن تەڭگە (10 928،25 شت.بىرلىك)، ۇقك – 1،5 ملن تەڭگە (3 شت.بىرلىك)، تجم – 80،9 ملن تەڭگە (165 شت.بىرلىك).
دەنساۋلىق ساقتاۋ مينيسترلىگى بۇل دەنساۋلىق ساقتاۋ جۇيەسىندەگى جەدەل مەديسينالىق كومەك جۇرگىزۋشىلەرىنىڭ جالاقىسىن ارتتىرۋعا ىقپال ەتەتىنىن اتاپ ءوتتى.
قۇجات 28 ناۋرىزعا دەيىن تالقىلاۋ ءۇشىن اشىق نقا سايتىندا جاريالاندى.
بلا – بازالىق لاۋازىمدىق ايلىق.