سەناتور امانگەلدى نۇعمانوۆ ەلىمىزدىڭ باتىس وڭىرىندەگى اۆتوموبيل جولدارىنىڭ ساپاسىن سىنعا الىپ، ولاردى جوندەۋگە 20 ميلليارد تەڭگە ءبولۋدى ءوتىندى، دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
ول سمايىلوۆقا جولداعان ساۋالىندا باتىس وڭىرلەردەگى جولداردىڭ ساپاسىنا قاتىستى ماسەلەلەر تۋرالى باياندادى.
«جەرگىلىكتى ماڭىزى بار اۆتوموبيل جولدارىنىڭ ءنورماتيۆتى جاعدايىن 2025 جىلعا دەيىن 95 پايىزعا جەتكىزۋ ءۇشىن اقتوبە وبلىسىنداعى 1،5 مىڭ شاقىرىمدى جوندەۋ قاجەت، بۇل جىل سايىن 25،6 ميلليارد تەڭگە بولادى. بۇل رەسپۋبليكالىق بيۋدجەتتەن قوسىمشا 13،5 ميلليارد تەڭگە ترانسفەرتتى قاجەت ەتەدى. اتىراۋ وبلىسىندا 43،5 شاقىرىم جولداردى قايتا قۇرۋ جانە جوندەۋ ءۇشىن قوسىمشا 8،8 ميلليارد تەڭگە قاجەت»، - دەدى ول.
سونىمەن قاتار، نۇعمانوۆ باتىس قازاقستان وبلىسىنداعى تەمىرجول ۆاگوندارىنىڭ جەتىسپەۋشىلىگىنە جانە قۇرىلىس ماتەريالدارىن ۋاقتىلى جەتكىزىلمەگەنىن جانە بۇرىن بولىنگەن اقشا دۇرىس پايدالانىلماعانىن اتاپ ءوتتى. سەناتور رەسپۋبليكالىق بيۋدجەتتەن جول جوندەۋ جۇمىستارىن قارجىلاندىرۋعا، "قازاقستان تەمىر جولى" جۇك ۆاگوندارىن قۇرىلىس ماتەريالدارىن جەتكىزۋ ءۇشىن ۋاقتىلى قامتاماسىز ەتۋگە شاقىردى.