تالدىقورعاندا جەدەل جاردەم كولىگىنىڭ قاتىسۋىمەن بولعان جول اپاتىندا ەر ادام قايتىس بولدى، دەپ حابارلايدى almaty-akshamy.kz
وقيعا 30 قازانعا قاراعان ءتۇنى تالدىقورعاننىڭ ورتالىعىندا Audi 80 جانە Hyundai Solati اۆتوكولىكتەرىنىڭ قاتىسۋىمەن بولدى.
54 جاستاعى جەدەل جاردەم كولىگىنىڭ جۇرگىزۋشىسى بالپىق بي كوشەسىمەن كەلە جاتىپ، جول جيەگىندە تۇرعان Audi كولىگىمەن سوقتىعىسادى.
سوققى كەزىندە نەمىس شەتەلدىك كولىگىنىڭ 37 جاستاعى جۇرگىزۋشىسى جولاۋشىسىمەن بىرگە كولىكتىڭ ارتقى دوڭگەلەگىن اۋىستىرىپ جاتقانى الدىن الا انىقتالدى.
جەڭىل كولىك جۇرگىزۋشىسى وقيعا ورنىندا قايتىس بولدى. سونداي-اق 36 جاستاعى ەر ادام ءتۇرلى دەنە جاراقاتتارىمەن اۋرۋحانانىڭ رەانيماسيا بولىمىنە جاتقىزىلدى.
قاجەتتى ساراپتامالار تاعايىندالىپ، ق ر قك-نىڭ 345-بابىنىڭ 3-بولىمىندە كوزدەلگەن تەرگەۋ امالدارى باستالدى. قىلمىستىق ءىستى تەرگەۋدى وبلىستىق پوليسيا دەپارتامەنتى باقىلاۋعا الدى.
جەدەل جاردەم جول جيەگىندە تۇرعان كولىككە سوعىپ ەر ادام قايتىس بولدى
- اۆتور almaty-akshamy.kz
- 04:48، 30 قازان 2023
polisia.kz