قازاقستان جازۋشىلار وداعىنىڭ 90 جىلدىعىنا ارنالعان سالتاناتتى جيىندا ادەبيەت پەن قوعامعا ەرەكشە ۇلەس قوسقان قالامگەرلەر مەن رۋحانيات جاناشىرلارى ماراپاتتالدى، دەپ حابارلايدى aqshamnews.kz
حالىقارالىق «الاش» ادەبي سىيلىعى:
بۇل بەدەلدى سىيلىقپەن تۇركسوي حالىقارالىق ۇيىمىنىڭ باس حاتشىسى سۇلتان رايەۆ، ءازىربايجان جازۋشىلار وداعىنىڭ ءتوراعاسى انار رزايەۆ، تۇركيا جازۋشىلار وداعىنىڭ ءتوراعاسى مۋسا كازىم ارىجان، قىرعىزستاننىڭ ەل جازۋشىسى ارسلان قويشييەۆ، وزبەكستاننىڭ حالىق جازۋشىسى ۋسمانكۋل ازيموۆ ماراپاتتالدى.
«قازاقستاننىڭ قۇرمەتتى جازۋشىسى» اتاعى:
ادەبيەتكە قوسقان ۇلەستەرى ءۇشىن بۇل اتاق ەۋرازيا جازۋشىلار وداعىنىڭ پرەزيدەنتى ۋفۋك تۋزمان، ازەربايجان اقىنى راشاد ماجيتوۆ، شۆەد جازۋشىسى پاۋەل فرييەس، قىرعىز جازۋشىلار وداعىنىڭ ءتوراعاسى قانىبەك يمانالييەۆ، تاتار اقىنى ركايل زايدۋللين جانە تاعى باسقا كورنەكتى تۇلعالارعا بەرىلدى.
«اسىل ءسوز» ادەبي سىيلىعى:
پوەزيا نوميناسياسىندا بۇل مارتەبەلى سىيلىق اقىن بايبوتا قوشىم-نوعايعا، ال پروزا نوميناسياسىندا جازۋشى تۇرسىنجان شاپايعا تابىستالدى.
«اتىمتاي جومارت» مەدالى:
ادەبيەت پەن رۋحانياتتى قولداپ، دەمەۋشىلىك كورسەتكەن كاسىپكەرلەر «اتىمتاي جومارت» مەدالىمەن ماراپاتتالدى.
بۇل ماراپاتتار رۋحانيات پەن ادەبيەتتىڭ دامۋىنا ۇلەس قوسقان تۇلعالاردى ەلەپ-ەسكەرۋدىڭ، ولاردىڭ ەڭبەگىن قۇرمەتتەۋدىڭ ايقىن دالەلى بولدى.