ق ر ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا 26 مامىر مەن 19 ماۋسىم ارالىعىندا بۇكىل ەل بويىنشا ۇلگەرىمى ناشار وقۋشىلارعا ءبىلىم ولقىلىقتارىن تولتىرۋعا كومەكتەسەتىن «جازعى مەكتەپتەر» جۇمىس ىستەدى.
ماسەلەن، «ورلەۋ» باۇو» اق فيليالى الماتى قالاسى بويىنشا پق باي ZOOM پلاتفورماسىندا «جازعى مەكتەپتە بولعان كەزەڭدە وقۋشىلاردى پسيحولوگيالىق-پەداگوگيكالىق سۇيەمەلدەۋ» تاقىرىبىندا قالالىق ونلاين-سەمينار وتكىزدى.
سەميناردىڭ ماقساتى – وقۋشىلار مەن مۇعالىمدەردى پسيحولوگيالىق-پەداگوگيكالىق سۇيەمەلدەۋ، بىلىمدەگى ولقىلىقتاردىڭ ورنىن تولتىرۋ، ال ولاردىڭ اتا-انالارى-بالالاردىڭ جازعى دەمالىسىن قامتاماسىز ەتۋى، قازىرگى كەزەڭدە وقۋ پروسەسىندە ينكليۋزيۆتى ءبىلىم بەرۋ جۇيەسىنىڭ قالىپتاسۋ تاجىريبەسىن قاراستىرۋ. سەمينارعا پەداگوگ-پسيحولوگتار، جالپى ءبىلىم بەرەتىن مەكتەپ مۇعالىمدەرى، تۇزەتۋ پەداگوگتارى، وقۋ ءىسىنىڭ مەڭگەرۋشىلەرى، جالپى ءبىلىم بەرەتىن مەكتەپ ديرەكتورلارى، بالاباقشا ادىسكەرلەرى، تاربيەشىلەر قاتىستى.
سەميناردىڭ مودەراتورى – الماتى قالاسى بويىنشا پق باي كافەدراسىنىڭ اعا وقىتۋشىسى سارا مۋسينا جانە سپيكەرلەر – پسيحولوگيالىق جانە الەۋمەتتىك عىلىمدار ماگيسترى، جوعارى ساناتتى پسيحولوگ، زەرتتەۋشى، قازاقستان پسيحولوگتار قاۋىمداستىعىنىڭ ترەنەرى، جىل پسيحولوگى سۆەتلانا نوۆيچكوۆا، جوعارى ساناتتى ءمۇعالىم، حورەوگراف انارا لي تاجىريبەلەرىمەن ءبولىستى. ولار ارىپتەستەرىن «جازعى مەكتەپتەگى» پەداگوگ-پسيحولوگتاردىڭ جۇمىس جوسپارىمەن تانىستىردى. قىزمەتتىڭ پروفيلاكتيكالىق باعىتى اياسىندا پەداگوگ-پسيحولوگ ارت-تەراپيا، مۋزىكالىق تەراپيا ەلەمەنتتەرى بار ءتۇرلى ويىن ءىس-شارالارىن، نازاردى دامىتۋعا ارنالعان ساباقتاردى، پسيحولوگيالىق دەنساۋلىقتى ساقتاۋ ماقساتىندا پسيحوەموسيونالدى سترەستى جەڭىلدەتۋگە جانە ەموسيونالدى سارقىلۋدىڭ الدىن الۋعا باعىتتالعان ترەنينگتەردى وتكىزەدى.