الماتى قالاسى اكىمىنىڭ ورىنباسارى ەرجان باباقۇماروۆ مەگاپوليستىڭ اۋماقتىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى، باس سانيتارلىق دارىگەر ج. بەكشينمەن جانە قالالىق قوعامدىق دەنساۋلىق باسقارماسىنىڭ باسشىسى ن. تابىنبايەۆپەن بىرگە الماتى حالىقارالىق اۋەجايى مەن قالا ۆوكزالدارىنىڭ اۋماعىنداعى سانيتارلىق ەپيدەميولوگيالىق قىزمەتتەردىڭ جۇمىسىن تەكسەردى.
تەكسەرۋ بارىسىندا مەگاپوليس اۋماعىنا ينفەكسيا تارالۋ جاعدايلارىنىڭ الگوريتمىنە جانە بولدىرماۋدىڭ الدىن الۋ جونىندەگى ساقتىق شارالارىنا باسا نازار اۋدارىلدى. ق ر اۋماعىندا كوروناۆيرۋس ينفەكسياسىنىڭ تارالۋىن بولدىرماۋ جونىندەگى ۆەدومستۆوارالىق كوميسسيانىڭ جانە ق ر دەنساۋلىق ساقتاۋ مينيسترلىگىنىڭ ەلدە "دەلتا" (ءۇندى) شتامىنىڭ اينالىمىنا قاتىستى تاپسىرماسىن ەسكەرە وتىرىپ، جەرۇستى قىزمەتتەردىڭ كوروناۆيرۋستىق ينفەكسيانىڭ تارالۋىنا قارسى دايىندىعى، ۇشۋ اۋماعىندا ينفەكسيا سيمتومدارىن انىقتايتىن جولاۋشىلار ءۇشىن جەكەلەگەن ينفەكسيالىق بوكستاردىڭ جۇمىسى تەكسەرىلدى.
اۋەجايعا كىرە بەرىستەگى Ashyq قوسىمشاسى ارقىلى تەستىلەۋگە دە نازار اۋدارىلدى. كۇزەت قىزمەتىنە ورتا ەسەپپەن اۋەجايعا كىرە بەرىستە «قىزىل» مارتەبەگە يە ەكى-ۇش جولاۋشى تىركەلگەنى تۋرالى حاباردار ەتىلدى. ينفەكسيانىڭ ودان ءارى تارالۋىنا جول بەرمەۋ ءۇشىن بۇل ادامدارعا جەدەل شارالار قابىلدانۋدا.
اۋەجاي بازاسىندا اەروپورت بولىمشەلەرى باسشىلىعى مەن وكىلدەرىنىڭ قاتىسۋىمەن كوروناۆيرۋستىق ينفەكسيانىڭ تارالۋىن بولدىرماۋ جونىندەگى قالالىق شتابتىڭ كوشپەلى وتىرىسى ءوتتى.
اۋەجايدى باقىلاۋ قورىتىندىسى بويىنشا اۋە ايلاعى باسشىلىعى مەن بولىمشە وكىلدەرىنىڭ قاتىسۋىمەن كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى قالالىق شتابتىڭ وتىرىسى ءوتتى.
ەپيدەميولوگتاردىڭ ايتۋىنشا، "دەلتا" شتامى جوعارى جۇقپالى ءارى انىقتالعان شتامدارعا قاراعاندا 60%-عا جۇقپالى. ورتاشا العاندا، ءبىر ادامنان 5-6 ادام جۇقتىرادى، ال اينالىمداعى شتامداردان 3-4 ادام. شتامنىڭ ينكۋباسيالىق كەزەڭى جەتى كۇندى قۇرايدى. عالىمداردىڭ زەرتتەۋلەرى كوروناۆيرۋستىڭ ۇندىلىك شتامىنان اۋرۋحاناعا جاتقىزۋ مەن ءولىم-جىتىمنىڭ ىقتيمالدىعى جوعارى ەكەنىن ايتتى.
ج. بەكشين ءۇندى شتامىنىڭ سيمپتومدارى باسقا، ۇيرەنشىكتى شتامداردان وزگەشە دەدى. مىسالى، ءيىس سەزۋ بولماۋى مۇمكىن. الايدا، اۋرۋدىڭ بەلگىلەرى بولعان كەزدە دەرەۋ دارىگەردى شاقىرۋىڭىز كەرەك، ويتكەنى جاڭا شتام ءقاۋىپتى. وسىعان بايلانىستى قالا تۇرعىندارى ءوزىن-وزى ەمدەۋمەن اينالىسپاۋى كەرەك".
اكىمنىڭ ورىنباسارى ە. باباقۇماروۆ سانيتارلىق-ەپيدەميولوگيالىق قورعاۋدىڭ بارلىق شارالارىن كۇشەيتۋدى، ونىڭ ىشىندە اۋەجاي قىزمەتكەرلەرىن ۆاكسينالاۋعا شاقىردى. سونداي-اق اۋەجايدى دەزينفەكسيالاۋ جۇمىستارى جالعاساتىن بولادى.
ايتا كەتسەك، الماتى ەپيدەميولوگتارى ءقاۋىپتى "دەلتا"شتامىنان تۋىنداۋى مۇمكىن كوروناۆيرۋستىق ينفەكسيانىڭ جاڭا تولقىنىن جوققا شىعارمايدى. الماتى قالاسىنىڭ كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى قالالىق شتابى تۇرعىنداردى ۆاكسينالاۋعا، سونداي-اق بەتپەردە رەجيمى مەن الەۋمەتتىك قاشىقتىقتى ساقتاۋعا شاقىردى.
ەسكە سالساق، دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا، 20 ماۋسىمداعى جاعداي بويىنشا، SARS-CoV-2 "دەلتا" شتامى الەمنىڭ 74 ەلىندە انىقتالدى.