تامىزدا ورتاشا اۋا تەمپەراتۋراسى نورمادان 1-2°س-گە جوعارىلايدى.
قازگيدرومەت مالىمەتىنشە، تەك رەسپۋبليكانىڭ سولتۇستىك-باتىسىندا قالىپتى كۇن رايى ساقتالادى، دەپ حابارلايدى Almaty-akshamy.kz.
بۇل ايدا ەل بويىنشا ورتاشا تەمپەراتۋرا +20+28°س بولسا، سولتۇستىك-شىعىستا +16+19°س، وڭتۇستىك-شىعىس پەن شىعىستاعى تاۋلى ايماقتاردا +11+15°س-گە جەتەدى. بۇل ورايدا باتىس قازاقستان، اتىراۋ، قوستاناي، سولتۇستىك قازاقستان، اقمولا، اقتوبە، قاراعاندى وبلىستارىندا تەمپەراتۋرا نورما شاماسىندا بولادى.
تامىزدا جاۋىن-شاشىن مولشەرى رەسپۋبليكانىڭ باسىم بولىگىندە قالىپتى كولەمنەن دە از تۇسەدى دەپ بولجاندى. دەگەنمەن سولتۇستىك قازاقستان، پاۆلودار، اباي، شىعىس قازاقستان، الماتى، جەتىسۋ، قوستاناي، اقمولا وبلىستارىنىڭ سولتۇستىگىندە، قاراعاندىنىڭ شىعىسىندا، جامبىل وبلىسىنىڭ وڭتۇستىك-شىعىسىندا جانە تۇركىستان وبلىسىنىڭ تاۋلى اۋداندارىندا جاۋاتىن جاڭبىر نورماسى ساقتالادى.