الماتىدا 200 مىڭنان استام تۇرعىندى ۇزدىكسىز ەلەكترمەن قامتاماسىز ەتەتىن «الماگۇل» جاڭا قوسالقى ستانسياسىنىڭ قۇرىلىسى اياقتالدى، دەپ حابارلايدى almaty-akshamy.kz
الماتىنىڭ بوستاندىق اۋدانىندا گاگارين مەن قوجابەكوۆ كوشەلەرىنىڭ قيىلىسىندا ورنالاسقان «الماگۇل» قوسالقى ستانسياسىنىڭ قۇرىلىسى بويىنشا جۇمىستار 100% اياقتالدى. سونداي-اق، وسى قوسالقى ستانسياعا 110 كۆ ەلەكترمەن جابدىقتاۋدىڭ 4،8 كم كابەلدىك جەلىسىن توسەلدى.
بۇل قوسالقى ستانسيا الماتىنىڭ وڭتۇستىك بولىگىندەگى تۇتىنۋشىلاردىڭ جۇكتەمەسىن ازايتادى. وعان «الماگۇل» شاعىن اۋدانى ال-فارابي-جاروكوۆ-وتەپوۆ-روزىباكييەۆ كوشەلەرىنىڭ قيىلىسىندا سالىنىپ جاتقان جانە جاڭا تۇرعىن ءۇي كەشەندەرى قوسىلاتىن بولادى. سەكسيالاردا كابەلدەردى قوسۋ جانە تۇتىنۋشى جۇكتەمەلەردى اۋدارۋ جونىندەگى ءىس-شارالار «اجك» اق-مەن جۇرگىزىلەدى.
ايتا كەتەرلىگى، قوسالقى ستانسياعا قاجەتتىلىك بوستاندىق اۋدانىندا جاپپاي، رەتسىز سالىنعان قۇرىلىستارعا بايلانىستى ەلەكتر قۋاتىنىڭ ءجيى ۇزىلۋىنە قاتىستى. بۇل ماسەلەنى الماتى اكىمىمەن كەزدەسۋ بارىسىندا بوستاندىق اۋدانىنىڭ تۇرعىندارى كوتەردى. ەربولات دوسايەۆ وسى قوسالقى ستانسيا بويىنشا بارلىق جۇمىستاردى اعىمداعى جىلدىڭ شىلدە ايىنىڭ سوڭىنا دەيىن اياقتاۋدى تاپسىردى.