ۋەفا-نىڭ قولداۋىمەن ەلىمىزدە ءبىرقاتار فۋتبول ستاديوندارى جاڭارتىلادى
مەملەكەت باسشىسىنىڭ بۇقارالىق سپورتتى دامىتۋعا باعىتتالعان تاپسىرماسىن ورىنداۋ ماقساتىندا قازاقستان فۋتبول فەدەراسياسى فۋتبول الاڭدارىن قايتا جاڭارتۋ باعدارلاماسىن ەنگىزىپ وتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءۇش جىلعا ارنالعان باعدارلاما ۋەفا-نىڭ قولداۋىمەن جۇزەگە اسىرىلادى. سونداي-اق جوبا اياسىندا جەكە ينۆەستيسيالاردى تارتۋ جوسپارلانىپ وتىر.
جوبانىڭ باستى ماقساتى – فۋتبول ينفراقۇرىلىمىن دامىتىپ، بۇقارالىق فۋتبولدى دامىتۋعا جاعداي جاساۋ»، - دەلىنگەن فەدەراسيانىڭ Telegram-ارناسىندا.
بيىل باعدارلاما اياسىندا اقتاۋ، الماتى، شىمكەنت، اقتوبە قالالارى جانە جەتىسۋ وبلىسىنداعى ستاديونداردىڭ الاڭدارى جاڭارتىلماق.
2023 جىلى رەنوۆاسيا باعدارلاماسىنا كىرەتىن فۋتبول الاڭدارى:
1. سسكا ستاديونى، الماتى قالاسى
2. ب.وڭعاروۆ اتىنداعى ستاديون، جەتىسۋ وبلىسى، بالپىق بي اۋىلى
3. «سەمەنتنيك»، شىمكەنت قالاسى
4. №2 بجسم، اقتوبە قالاسى
5. «كاسپيي» سك، اقتاۋ قالاسى