الماتى قالاسىنىڭ قاج دەپارتامەنتىنە قاراستى №11 مەكەمەسىندە جازاسىن وتەپ جاتقان جاسوسپىرىمدەر ءۇشىن 30 تامىز – قازاقستان رەسپۋبليكاسىنىڭ كونستيتۋسياسى كۇنىنە وراي «اتا زاڭ – ەلىمنىڭ قورعانى» اتتى مادەني ءىس-شارا ءوتتى.
وعان جامبىل اتىنداعى قالالىق جاسوسپىرمدەر كىتاپحاناسىنىڭ كوپشىلىك ءىس-شارالاردى ۇيىمداستىرۋ ءبولىمىنىڭ باسشىسى روزا سۇلتانعازى قىزى جانە وقىرماندار زالى ءبولىمىنىڭ قىزمەتكەرلەرى فاريزا قادىرعالي مەن ايتولقىن راقىم مۇرىندىق بولدى.
مادەني ءىس-شارانىڭ ماقساتى – جازالى جاسوسپىرىمدەرگە اتا زاڭ جونىندە مالىمەت بەرۋ، ولاردىڭ زاڭ الدىنداعى جاۋاپكەرشىلىگىن ارتتىرۋ، ولاردىڭ باس بوستاندىعىنان ايىرىلسا دا وزدەرىنىڭ قوعامعا كەرەك ازامات ەكەنىن سەزىنۋگە، تۇزەلۋىنە كومەكتەسۋ.
كىتاپحانا قىزمەتكەرى فاريزا قادىرعالي كونستيتۋسيا تۋرالى بايانداماسىن وقىپ، تاريحتان باستاپ قازىرگى كۇنگە دەيىنگى قولدانىستاعى زاڭدارعا تولىق تۇسىنىكتەمە بەردى.
جازالى جاسوپىرىمدەر كونستيتۋسيا كۇنى قۇرمەتىنە ەكى تىلدە ولەڭ وقىدى.
ال ايتولقىن راقىم جاسوسپىرىمدەرمەن ەلدەر مەن جەرلەر تۋرالى قىزىقتى مالىمەتتەر نەگىزىندە Quiz ينتەللەكتۋالدى ويىنىن وتكىزدى. جامبىل اتىنداعى جاسوسپىرىمدەر كىتاپحاناسىنىڭ قىزمەتكەرلەرى دايىنداعان جاڭا كىتاپتار كورمەسى دە بوزبالالارعا ۇنادى.
№11 مەكەمەنىڭ سوتتالعاندار اراسىنداعى الەۋمەتتىك-پسيحولوگيالىق تاربيە جۇمىسى ءبولىمى باستىعى ادىلەت پودپولكوۆنيگى الما قويشىباي قىزى كىتاپحانا قىزمەتكەرلەرىنە وسىناۋ تاربيەلىك ءمانى ۇلكەن ءىس-شارا ءۇشىن العىسىن ءبىلدىردى.