بۇل تۋرالى مەگاپوليس اكىمى المالى اۋدانىنىڭ تۇرعىندارىمەن كەزدەسۋدە ايتتى.
تۇرعىننىڭ سۇراعى:
مەنىڭ بالام سپورتتاعى دارىندى بالالارعا ارنالعان مامانداندىرىلعان مەكتەپ-ينتەرناتتا وقيدى. بۇل نىسان جوندەۋدى قاجەت ەتەدى، وسى ماسەلەگە نازار اۋدارۋدى سۇرايمىز
الماتى اكىمى ەربولات دوسايەۆتىڭ جاۋابى:
الماتىدا بالالار سپورتىنا جاعداي جاساۋعا ەرەكشە كوڭىل بولىنەدى. ءبىز ءقازىر سپورت مەكتەپتەرىنىڭ ينفراقۇرىلىمىن جاڭارتۋ بويىنشا جۇمىستى جوسپارلى تۇردە باستادىق جانە جوبالار دايىن بولعان كەزدە ولاردى ىسكە اسىراتىن بولامىز. كەلەسى ءۇش جىل ىشىندە ءبىز مۇنى بەلسەندى تۇردە جاسايمىز. وتكەن جىلدان باستاپ ءبىز وسى سالانى قارجىلاندىرۋدى ۇلعايتتىق، جاس سپورتشىلاردىڭ جارىستارعا قاتىسۋعا ارنالعان شىعىنداردى قوستىق. چەمپيوندار بىردەن تۋمايدى، ءبارى مەكتەپتەن باستالادى، سوندىقتان بۇل ماسەلە ءبىزدىڭ باسىمدىعىمىز بولىپ تابىلادى.
قۇرىلىس باسقارماسىنىڭ باسشىسى الماس شابداربايەۆتىڭ تۇسىنىكتەمەسى:
المالى اۋدانىنداعى مامانداندىرىلعان مەكتەپكە قاتىستى جوبامەن اينالىسىپ جاتىرمىز. كەلەسى جىلدىڭ مامىر ايىندا مەملەكەتتىك ساراپتاما شىعادى دەپ جوسپارلاپ وتىرمىز، ال ماۋسىم ايىندا قولدانىستاعى عيماراتتى بۇزىپ، جاڭا عيماراتتىڭ قۇرىلىسىن باستايمىز.