جاۋىن جاۋادى

 قازگيدرومەت ماماندارى بەيسەنبىگە ارنالعان اۋا رايى بولجامىن ۇسىندى، دەپ حابارلايدى almaty-akshamy.kz.

قازاقستان اۋماعىنىڭ باسىم بولىگىنە وڭتۇستىك سيكلونى جانە سوعان بايلانىسقان اتموسفەرالىق فرونتتار اسەر ەتەدى.

وسىلايشا نايزاعاي ويناپ، جاڭبىر جاۋادى، وڭتۇستىك-شىعىستا، شىعىستا قاتتى جاڭبىر، بۇرشاق جاۋىپ، داۋىل سوعادى.

تەك ەلىمىدىڭ سولتۇستىگىندە جاۋىن-شاشىن جوق، كۇن اشىق.

رەسپۋبليكا بويىنشا جەل كۇشەيەدى، تۇنگى جانە تاڭەرتەڭگى ساعاتتاردا سولتۇستىك-باتىس پەن ورتالىقتا تۇمان تۇسەدى.

جەتىسۋ وبلىسىنىڭ الاكول اۋدانىندا كەي ۋاقىتتا جەل ەكپىنى 30 م/س اسادى. 

تۇندە پاۆلودار وبلىسىنىڭ سولتۇستىگىندە، قوستاناي، اقمولا، سولتۇستىك قازاقستان وبلىستارىنىڭ سولتۇستىگىندە، شىعىسىندا توپىراق بەتىندە 2-3 گرادۋس ۇسىك جۇرەدى.

قاراعاندى وبلىسىنىڭ وڭتۇستىگىندە، ۇلىتاۋ وبلىسىنىڭ ورتالىعىندا، اباي، اقتوبە، قوستاناي وبلىستارىنىڭ وڭتۇستىگىندە، اتىراۋ وبلىسىنىڭ وڭتۇستىك-شىعىسىندا، شىعىس قازاقستان وبلىسىنىڭ وڭتۇستىك-شىعىسىندا، قىزىلوردا وبلىسىندا، باتىس قازاقستان وبلىسىنىڭ باتىسىندا، وڭتۇستىك-باتىسىندا، جەتىسۋ وبلىسىنىڭ شىعىسىندا جوعارى ءورت ءقاۋپى ساقتالادى. تۇركىستان وبلىسىنىڭ ءشولدى اۋداندارىندا، اباي وبلىسىنىڭ ءۇرجار اۋدانىندا توتەنشە ءورت ءقاۋپى كۇتىلەدى.