پرەزيدەنت قاسىم-جومارت توقايەۆ سلوۆاكيا پرەمەر-مينيسترى روبەرت فيسوعا قاستاندىق جاسالۋىنا بايلانىستى بۇل تەررورلىق ارەكەتتى قاتاڭ ايىپتايتىنىن جانە مۇنداي قاراۋلىقتى مۇلدە اقتاۋعا بولمايتىنىن مالىمدەدى، دەپ حابارلايدى almaty-akshamy.kz.
"قازاقستان مەن سلوۆاكيانى ۇزاق جىلعى دوستىق پەن ءوزارا ءتيىمدى ىنتىماقتاستىق قاتىناستار بايلانىستىرادى. بۇل يگىلىكتى ىستە پرەمەر-مينيستر روبەرت فيسو ەلەۋلى ءرول اتقاردى. مەملەكەت باسشىسى قاسىم-جومارت توقايەۆ روبەرت فيسونىڭ تەزىرەك ساۋىعىپ كەتۋىنە تىلەكتەستىك ءبىلدىردى"، دەپ جازىلعان اقوردا باسپا ءسوز قىزمەتىنىڭ حابارلاماسىندا.
ايتا كەتسەك، 2024 جىلى 15 مامىردا قارۋلى بەلگىسىز بىرەۋ سلوۆاكيا پرەمەر-مينيسترى روبەرت فيسوعا بىرنەشە رەت وق اتتى. ساياساتكەردىڭ ءۇش جەرىنەن وق جاراقاتىن العانى، ءقازىر اۋرۋحانادا اۋىر جاعدايدا جاتقانى بەلگىلى.