الماتى قالاسىندا ەكولوگيالىق تۇراقتى جوبالار ءۇشىن قارجىلاندىرۋعا قول جەتكىزۋ ماسەلەلەرىنە ارنالعان ترەنينگ ءوتتى، دەپ حابارلايدى aqshamnews.kz "حالىقارالىق جاسىل تەحنولوگيالار جانە ينۆەستيسيالىق جوبالار ورتالىعى" كەاق سىلتەمە جاساپ.
ءىس-شارانىڭ نەگىزگى ماقساتى – قاتىسۋشىلاردى ەنەرگيانى ۇنەمدەۋ، جاڭارتىلاتىن ەنەرگيا كوزدەرى جانە تۇراقتى اۋىل شارۋاشىلىعىمەن بايلانىستى نەگىزگى اسپەكتىلەرگە ۇيرەتۋ.
قاتىسۋشىلار جاسىل تەحنولوگيالار سالاسىنداعى جوبالاردى قولدايتىن قارجى قۇرالدارى مەن تەتىكتەرىن يگەردى، ەكولوگيالىق تازا شەشىمدەردى ەنگىزۋدى رەتتەيتىن زاڭنامالىق اكتىلەر تۋرالى ءبىلىم الدى. سونداي-اق جاسىل تەحنولوگيالاردى قولدانۋ ارقىلى قارجىلىق مۇمكىندىكتەرگە قول جەتكىزۋدىڭ ادىستەرىن ءتۇسىندى.
جاسىل تەحنولوگيالارعا كوشۋ – بۇل تەك ەكولوگيانى قورعاۋ قادامى ەمەس، سونىمەن قاتار تۇراقتى جانە پايدالى جوبالاردى جۇزەگە اسىرۋعا ىقپال ەتەتىن ينۆەستيسيالاردى تارتۋ مۇمكىندىگى.
حالىقارالىق جاسىل تەحنولوگيالار جانە ينۆەستيسيالىق جوبالار ورتالىعى قاتىسۋشىلارعا وسى ماڭىزدى تاقىرىپ بويىنشا بەلسەندىلىك تانىتقانى جانە قىزىعۋشىلىق بىلدىرگەنى ءۇشىن العىس ايتتى.