المالى اۋدانىندا، ماحاتما گاندي اتىنداعى ساياباقتا تاڭەرتەڭنەن باستاپ جاقىن ماڭداعى ۇيلەردىڭ تۇرعىندارى، ءتۇرلى ۇيىمداردىڭ وكىلدەرى شۇڭقىر قازىپ، تۇسكەن جاپىراقتاردى جيناپ، كوشەتتەر وتىرعىزدى.
تاستاق-2 شاعىن اۋدانىندا ءبىرقاتار قالالىق كوللەدجدىڭ وقىتۋشىلارى مەن ستۋدەنتتەرى 50-گە جۋىق الما جانە شاعان كوشەتتەرىن وتىرعىزدى.
الماتىباسجوسپار عيماراتىنىڭ جانىنداعى الاڭدا وسى اۋداندا ورنالاسقان تۇرعىندار، كاسىپكەرلەر مەن كومپانيالاردىڭ قىزمەتكەرلەرى دە جاڭا كوشەتتەر وتىرعىزدى. جىل باسىنان بەرى ولاردىڭ سانى 15 مىڭنان استى.
بوستاندىق اۋدانىندا قالا تۇرعىندارى، ونىڭ ىشىندە ەكوبەلسەندىلەر گاگارين بۋلۆارىن رەتكە كەلتىردى. اكسياعا قوعامدىق، ەكولوگيالىق جانە ءبىلىم بەرۋ ۇيىمدارىنىڭ 250-دەن استام وكىلى، سونداي-اق تۇرعىندار قاتىستى. قوقىس جيناۋمەن قاتار، سەرۋەندەۋ جولدارى مەن اللەيالاردا قورشاۋلار، ورىندىقتار جانە باسقا دا جابدىقتاردى بوياۋ جۇمىستارى جۇرگىزىلدى.
ناۋرىزباي اۋدانىندا اكسياعا 250 ادام قاتىستى: جەرگىلىكتى اكىمدىك، دەنساۋلىق ساقتاۋ جانە ءبىلىم بەرۋ سالاسىنىڭ قىزمەتكەرلەرى، جاستار مەن ارداگەرلەر. ساق قورعاندارىنىڭ اينالاسىنداعى الاڭدا 200 كوشەت وتىرعىزىلدى. «الما سيتي» تۇرعىن ءۇي كەشەنىنىڭ ماڭىندا 400 كوشەت، الاتاۋ داڭعىلى بويىندا تاعى 100 كوشەت ەگىلدى. وتىرعىزىلعان تۇرلەردىڭ اراسىندا قاراعاش، ءساناعاش جانە شاعان بار. سونىمەن قاتار، اكسياعا قاتىسۋشىلار 300 تەكشە مەتر قوقىس شىعاردى.
الاتاۋ اۋدانىندا سەنبىلىككە 3 مىڭنان استام ادام قاتىستى. 6 گەكتار اۋماقتا، ALA ساياباعىنىڭ اۋماعىندا جانە جاڭا ساين كوشەسىنىڭ بويىندا 2100 اعاش وتىرعىزىلدى. اتاپ ايتقاندا، ءساناعاش، شاعان جانە قاراعان. 540 تەكشە مەتر قوقىس شىعارىلدى، وعان 42 ارنايى تەحنيكا تارتىلدى.
اۋەزوۆ اۋدانىندا ەكولوگيالىق اكسياعا 500-دەن استام ادام قاتىسىپ، شامامەن 500 اعاش كوشەتى وتىرعىزىلدى. بۇعان 22 تەحنيكا جۇمىلدىرىلدى.
ەستەرىڭىزگە سالا كەتەيىك، «جارقىن كۇز» اۋقىمدى ەكولوگيالىق اكسياسى رەسپۋبليكالىق «تازا قازاقستان» باعدارلاماسى مەن «الماتى – ءبىزدىڭ ورتاق ءۇيىمىز» قالالىق جوباسى اياسىندا ءوتىپ جاتىر. بۇل اكسيانىڭ ماقساتى – ەكولوگيالىق جاعدايدى جاقسارتۋ جانە مەگاپوليستى كوگالداندىرۋ.