قازاقستاندا تاعى ءۇش يەسىز گيدروتەحنيكالىق قۇرىلىس مەملەكەت مەنشىگىنە وتەدى، دەپ حابارلايدى aqshamnews.kz سۋ رەسۋرستارى جانە يرريگاسيا مينيسترلىگىنە سىلتەمە جاساپ.
«قازىرگى ۋاقىتتا رەسپۋبليكادا يەسىز ءۇش گيدروتەحنيكالىق قۇرىلىس بار، ولاردى اۋىستىرۋ جۇمىستارى جۇرگىزىلۋدە» دەلىنگەن حابارلامادا.
وسى ورايدا قاراعاندى وبلىسىندا ءتورت، الماتى وبلىسىندا ەكى جانە پاۆلودار وبلىسىندا ءبىر يەسىز گيدروتەحنيكالىق قۇرىلىس قازاقستان رەسپۋبليكاسىنىڭ مەنشىگىنە قايتارىلدى.
«گيدروتەحنيكالىق قۇرىلىستاردىڭ قاۋىپسىزدىگى مەن جۇمىسىنا جاۋاپتى ارنايى ۇيىمدار قۇرىلدى. بۇل ۇيىمدار توعاندار مەن بوگەتتەر سياقتى شاعىن گيدروتەحنيكالىق قۇرىلىستاردى تەڭگەرىمىنە الىپ، ولاردىڭ تەحنيكالىق جاعدايىنا باقىلاۋدى كۇشەيتەدى»، - دەدى سۋ شارۋاشىلىعى جانە يرريگاسيا ۆيسە-مينيسترى ەربولات ىبىرايحانوۆ.