Jasyl Almaty باعدارلاماسى بويىنشا اۋدان اكىمدىگى قالالىقتارمەن بىرگە 5،5 مىڭ اعاش وتىرعىزدى
وسى كۇزدە المالى اۋدانىنىڭ تۇرعىندارى اتاۋلى اعاشتار وتىرعىزدى. كوگالداندىرۋ بويىنشا كەشەندى جۇمىستار تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا اۋدان اكىمى ەرجان سەيتەنوۆ ايتىپ بەردى، دەپ حابارلايدى Almaty-akshamy.kz
ونىڭ ايتۋىنشا، جاسىل جەلەكتەردى وتىرعىزۋ تۇراقتى تاجىريبەگە ەنگەن. Jasyl Almaty باعدارلاماسى بويىنشا اۋدان اكىمدىگى قالالىقتارمەن بىرگە 5،5 مىڭ اعاش وتىرعىزعان.
ءاربىر كوشەتكە ونى وتىرعىزعان تۇرعىننىڭ اتى جازىلعان جەكە تاقتايشا بەكىتىلگەن. ەندى ءار اعاشتىڭ ءوز «يەسى» بولادى، ونىڭ مىندەتى – اعاشتىڭ ۋاقتىلى كۇتىمىن باقىلاۋ. ە. سەيتەنوۆ الماتىلىقتارعا مەگاپوليستى كوگالداندىرۋعا اتسالىسقاندارى ءۇشىن العىسىن ءبىلدىردى.
وتىرعىزۋدان باسقا، اۋداندا اعاشتاردىڭ قۋراعان جانە ءقاۋىپ ءتوندىرىپ تۇرعان بۇتاقتارىن كەسۋ ارقىلى قاۋىپسىزدىكتى قامتاماسىز ەتۋ بويىنشا الدىن الۋ شارالارى جۇرگىزىلۋدە. بيىل 7 مىڭنان استام اعاشتى سانيتارلىق جانە فورمالىق كەسۋ جانە 300 اپاتتى اعاشتى قۇلاتۋ جۇمىستارى جۇرگىزىلدى.
اپاتتى اعاشتاردى قۇلاتۋ كەزىندە «جاسىل كوميسسيا» قۇرىلىپ، ونىڭ قۇرامىنا قوعام بەلسەندىلەرى مەن سالا ماماندارى كىردى. ءاربىر ءقاۋىپ ءتوندىرىپ تۇرعان اعاش الدىن الا مۇقيات تەكسەرىلىپ، سودان كەيىن عانا ونى كەسۋ تۋرالى شەشىم قابىلداندى.
ە. سەيتەنوۆتىڭ ايتۋىنشا، بيىل المالى اۋدانىندا 6 970 شارشى مەتر الاڭعا گۇل كوشەتتەرى وتىرعىزىلىپ، نازاربايەۆ داڭعىلى، ابىلاي حان، ناۋرىزباي باتىر، جىبەك جولى كوشەلەرى بويىنداعى جاياۋ جۇرگىنشىلەرگە ارنالعان 7 مىڭ شارشى مەتر ۋچاسكەگە گازون ەگىلدى.
سونداي-اق، مۇقانوۆ-بوگەنباي باتىر قيىلىسىندا تجد قۇتقارۋشىلارىنا ارنالعان جاڭا تاقىرىپتىق ساياباق اشىلدى. اۋدان مەسەناتتارىنىڭ ەسەبىنەن ماۋلەنوۆ، شيەۆچەنكو جانە قۇرمانعازى كوشەلەرىنىڭ ارالىعىنداعى بولىگى وزگەردى. وندا 2 760 كوپجىلدىق وسىمدىكتەردەن ءتۇرلى جاسىل كومپوزيسيالار وتىرعىزىلىپ، اۆتوماتتى سۋارۋ جۇيەسى ورناتىلدى.