بيىل الماتىنىڭ المالى اۋدانىندا سكۆەرلەردى، اۋلالاردى، جاعالاۋدى، سكەيت-الاڭدى جانە تاعى باسقا نىسانداردى اباتتاندىرۋ بويىنشا بەلسەندى جۇمىس جۇرگىزىلدى.
«بيۋدجەتكە قاتىسۋ» اياسىندا الماتىلىقتاردىڭ قالاۋى بويىنشا 70 جوبا جۇزەگە اسىرىلۋدا، ولاردىڭ 54ء-ى اياقتالدى، دەپ حابارلايدى Almaty-akshamy.kz
المالى اۋدانىندا ارو ءۇش سكۆەرى، بايتۇرسىنوۆ، بۋدان، تولە بي مەن ماقاتايەۆ اراسىنداعى ەسەنتاي وزەنىنىڭ جاعالاۋى اباتتاندىرىلدى. ۆارلاموۆ-تولە بي سكەيت-الاڭى جاقسارتىلىپ، كۋريلسكايا كوشەسىندەگى جەكە سەكتور تۇرعىندارى ءۇشىن رايىمبەك داڭعىلىنان جوعارى بالالار الاڭى ورناتىلدى. بوس ۋچاسكەلەرگە (قابانباي باتىر – جاروكوۆ، مۇقانوۆ – شيەۆچەنكو جانە مۇقانوۆ - قۇرمانعازى) دەمالىس ورىندارى جايلاستىرىلدى.
ە. سەيتەنوۆتىڭ ايتۋىنشا، ارو مەن بيوكومبينات جانىنداعى سكۆەرلەردە، سونداي-اق ماقاتايەۆ اۋلاسىندا تۇرعىندار كوپتەن كۇتىپ جۇرگەن يتتەردى سەرۋەندەتۋگە ارنالعان الاڭدار اشىلدى.
اباتتاندىرۋدىڭ ەڭ ۇلكەن جوبالارىنىڭ ءبىرى 1 610 قوقىس جاشىگىن ورناتۋ بولدى. سونىمەن قاتار، اۋداندا تولە بي – روزىباكييەۆ، الماتى وزەنى بويىنداعى جانە گاندي ساياباعىنداعى الاڭداردىڭ رەزەڭكە جابىنى جاڭارتىلدى.
المالى اۋدانىنىڭ اكىمى پروكوفيەۆ كوشەسىندە (تولە بيدەن بريۋللوۆقا دەيىن) نوسەر تورلارى ورناتىلعانىن، سونداي-اق مۇراتبايەۆ-قابانباي باتىر؛ مۇراتبايەۆ-بوگەنباي باتىر؛ سەيفۋللين كوشەسى، 450، جىبەك جولى كوشەسىنىڭ قيىلىسى، كلوچكوۆ - شيەۆچەنكو؛ نازاربايەۆ داڭعىلى، 57، ماقاتايەۆ كوشەسىنىڭ قيىلىسىنداعى اۋلالاردا بەس قوقىس الاڭى جاڭعىرتىلعانىن حابارلادى.
«بيۋدجەتكە قاتىسۋ» باعدارلاماسىنىڭ تاعى ءبىر جوباسى «سوسنوۆىي» سكۆەرىندە جانە قازاق دراما تەاترىندا، سايران كولىنىڭ جاعالاۋىندا جانە قوجامقۇلوۆ – جامبىلداعى سكەيتپاركتىڭ سولتۇستىگىندە ءتورت ءمودۋلدى دارەتحانانى ورناتۋ بولدى.
قازىرگى كەزدە قالعان جوبالار بويىنشا جۇمىستار جۇرگىزىلۋدە. ايتا كەتەرلىگى، 2022 جىلى المالى اۋدانى تۇرعىندارىنىڭ قاتىسۋىمەن جوبالاردى جۇزەگە اسىرۋعا 2،5 ملرد تەڭگە ءبولىندى.