بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا المالى اۋدانىنىڭ اكىمى ەرجان سەيتەنوۆ حابارلادى
ول 13 كوشەگە جاڭا اسفالت توسەلگەنىن ايتتى، دەپ حابارلايدى Almaty-akshamy.kz
سونىمەن قاتار، رايىمبەك – روزىباكييەۆ كوشەلەرى بويىنداعى جولايرىعىنا جوندەۋ جۇرگىزىلىپ، 20 مەكەنجاي بويىنشا 5 شاقىرىم تروتۋار جەلىسىنىڭ قۇرىلىسى اياقتالدى.
قازىرگى كەزدە بۇرىن رەتتەلمەيتىن ءتورت قيىلىستى باعدارشامدارمەن جابدىقتاۋ جانە رەتتەلەتىن باتىرمالى باعدارشامداردى ورناتا وتىرىپ، 8 جاياۋ جۇرگىنشىلەر وتكەلىن جاڭعىرتۋ بويىنشا جۇمىستار جۇرگىزىلۋدە. جۇمىستار جىل سوڭىنا دەيىن اياقتالادى.
ەرجان سەيتەنوۆ اۋلالار مەن كوشەلەردى جارىقتاندىرۋ تۋرالى دا ايتتى.
- وسى جىلعا جوسپارلانعان 84 جارىقتاندىرىلماعان جانە جارتىلاي جارىقتاندىرىلعان ۋچاسكەلەردىڭ بويىنا كوشە شامدارىن ورناتۋ تولىعىمەن اياقتالدى. اۋدان كولەمىندەگى 14 مونۋمەنتكە قوسىمشا جارىق تۇسىردىك، - دەدى اۋدان اكىمى.
سونىمەن قاتار، ءالىمجانوۆ كوشەسىنىڭ پانفيلوۆ كوشەسىنەن نازاربايەۆ كوشەسىنە دەيىنگى جانە ءشارىپوۆ كوشەسىنىڭ بويىمەن اباي داڭعىلىنان ماقاتايەۆ كوشەسىنە دەيىنگى بولىكتەرىندەگى ەسكى كوشە شامدارى جاڭارتىلدى.
ەسەنتاي وزەنىنەن سايران كولىنە دەيىن شيەۆچەنكو، جەلتوقسان كوشەلەرى مەن اباي داڭعىلىنىڭ بويىنداعى كوشە جارىعىن جاڭارتۋ جۇمىستارى جالعاسۋدا.