جاستىق - تاجىريبە جينايتىن، ءوزىمىزدى جانە الەمدى تانيتىن كەرەمەت شاق. الايدا ءاربىر ادام كەيىن وكىنەتىن قانداي دا ءبىر قاتەلىكتەر جىبەرەدى. بۇل قاتەلىكتەر جايلى جەكە برەند بويىنشا مامان اناستاسيا كەرە Marie Claire-گە ايتىپ بەردى، دەپ حابارلايدى Almaty-akshamy.kz massaget.kz-كە سىلتەمە جاساپ.
ۇلكەندەردەن الشاق بولعىسى كەلۋ
جاس كەزدە كوپتەگەن ادام اتا-اجەلەردەن، ءۇيدىڭ ۇلكەندەرىنەن، تۋىستاردان الشاق جۇرگىسى كەلەدى. 40 جاسقا جاقىنداعاندا رۋىڭىز جايلى، اتا-بابالارىڭىز جايلى بىلگىڭىز كەلەتىن بولادى، ءبىراق ول كەزدە سۇرايتىن ەشكىم بولماۋى مۇمكىن ەكەنىن ۇمىتپاڭىز.
تەزىرەك وتباسىن قۇرعىسى كەلۋ
ءبىر جاعىنان، جاستىق كەزدە ماحاببات ءبىرىنشى كەزەككە شىعادى. باسقا جاعىنان قارايتىن بولساق، ادام ءالى تولىقتاي ءوزىن تانىپ بىتپەي، وزىنە سايكەس سەرىك تاپقىسى كەلەدى. مىسالى، جاس كەزدە پسيحولوگقا بارۋعا نەمەسە ءبىزدىڭ پسيحيكامىز قالاي جۇمىس ىستەيتىنىن زەرتتەۋگە، اينالاداعى الەمگە اناليز جاساۋعا بولادى. ومىردەن نە قالايتىنىڭىزدى جانە ءوزىڭىزدىڭ قانداي ەكەنىڭىزدى تۇسىنگەن كەزدە سىزگە ساي كەلەتىن سەرىك تە جولىعادى.
اقشا ۇستاي الماۋ
ومىردە نەمەن اينالىسقىڭىز كەلەتىنىن انىقتاڭىز. 30 جاسقا دەيىن ءتۇرلى باعىتتى بايقاپ كورىڭىز.
باسقالاردىڭ پىكىرى بويىنشا ءجۇرۋ
ءوزىڭىزدى، ءوز ءىسىڭىزدى، ومىردەگى ءوز ورنىڭىزدى تابۋ ءسىزدىڭ ىشكى قالاۋىڭىز بەن قاجەتتىلىگىڭىزگە بايلانىستى بولۋى كەرەك. اينالاداعىلاردىڭ پىكىرى بويىنشا ءومىر ءسۇرۋدىڭ قاجەتى جوق. ارينە، جاقىندارىڭىزدىڭ سەنىمدى كەڭەستەرىن دە ەلەمەي قويماڭىز، ءبىراق كوپ جاعدايدا ءوزىڭىزدىڭ ىشكى قالاۋىڭىزدى تىڭداڭىز.
اتا-انانى قابىلداماۋ
جاستىق كەزدە اتا-اناڭىزدى قالاي بار، سولاي قابىلداۋ قيىنعا سوعۋى مۇمكىن. ءبىراق بۇل قاجەت نارسە. سەبەبى ونى قابىلداماساڭىز، اتا-اناعا دەگەن نارازىلىق جىلدان جىلعا ارتا بەرەدى. اسىرەسە، وزىڭىزدە بالا بولعان كەزدە قيىن بولۋى مۇمكىن.
سوندىقتان اتا-انامىز ءبىزدى باسقا زاماندا تاربيەلەگەنىن تۇسىنۋگە تىرىسىڭىز. ول كەزدەگى زامان تالابى مەن ەرەجەلەرى باسقا بولدى. ولاردىڭ ماحاببات ءتىلى بىزگە تۇسىنىكسىزدەۋ بولسا دا، ولار ءبىزدى جاقسى كورەدى. بىزدە باسقا اكە مەن شەشە بولمايدى. ولار ءبىزدى جاقسى كورەدى، ءبىز ولاردى جاقسى كورەمىز. مۇنى قانشالىقتى ەرتە تۇسىنسەڭىز، سونشالىقتى جاقسى. ەشكىمدى وزگەرتە المايسىز، ءسىز تەك قابىلداپ ۇيرەنە الاسىز.
دەنەڭىزگە دەگەن دۇرىس ەمەس قارىم-قاتىناس
بىرەۋلەر دەنساۋلىعىنا مۇلدەم ءمان بەرمەيدى، ال كەي ادامدار، اسىرەسە، قىزدار وزدەرىن ديەتالارمەن قينايدى. ولار "جالپىعا ورتاق ستاندارتتارعا" ساي بولعىسى كەلەدى. ءوزىڭىزدى قابىلداپ جانە اقپارات اعىنىن سارالاپ ۇيرەنۋ ماڭىزدى. سالاۋاتتى ءومىر سالتىن ۇستانۋعا تىرىسىڭىز.
قاتەلىكتەردەن ساباق العىسى كەلمەۋ
جاستاردىڭ باستى قاتەلىگى - قاتەلىكتەردى بەكەر دەپ ساناۋ: ولاردان ەش ناتيجە شىعارماۋ، باعالى تاجىريبە الماۋ. وتكەن تاجىريبەنى ەسكەرىپ، جوسپارلارعا تۇزەتۋلەر ەنگىزىپ، ارى قاراي جىلجۋ كەرەك. ءومىر - سىي، ادامدار - ۇستازدار، ال وقيعالار - ءوزىن-وزى تانۋ جولىنداعى قادامدار.