الماتىدا ەندى سۋارىلمايتىن جەرلەرگە كوشەتتەر ەگىلمەيدى

الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە قالادا كوشەت وتىرعىزۋدىڭ جاڭا ەرەجەسىن جەتكىزدى.

ايتۋىنشا، بيىل قالالىق ءماسليحات جاڭا تۇجىرىمداما قابىلداعان، دەپ حابارلايدى Almaty-akshamy.kz.

«بيىلدان باستاپ سۋارۋ جۇيەسى جوق جەرگە اعاش وتىرعىزىلمايدى. تامىرلانىپ ءوسىپ كەتۋى ءۇشىن 2-2،5 مەتردەن الاسا كوشەت ەگىلمەيدى. بۇعان دەيىن كوشەتتەردىڭ 30-40% وسپەي قۋراپ قالسا، ەندى ونى 10%-عا دەيىن تومەندەتەمىز. ال قۋراعان نەمەسە اپاتتى جاعدايداعى اعاشتى كەسۋ ءۇشىن 8 اۋدانعا 5،5 مىڭ كۆوتا بەردىك. بۇرىن ەكولوگتار كەي اعاشتاردى كەسۋگە تىيىم سالاتىن. ءقازىر ونىڭ جولىن تاپتىق. «مىنا اعاشتى كەسۋ كەرەك، قۇلايىن دەپ تۇر» دەپ تۇرعىندار وزدەرى حات جازادى. سودان كەيىن ءبىز بارىپ، تەكسەرەمىز»، - دەدى شاھار باسشىسى استانادا وتكەن بريفينگتە. 

ايتا كەتەيىك، الماتىدا بيىل كوكتەمدە 20 مىڭ كوشەت وتىرعىزىلدى. نەگىزىنەن ەگۋ جۇمىستارى كۇزدە جۇرگىزىلدى، سەبەبى جىلدىڭ وسى مەزگىلى كوشەتتەردىڭ تامىرلانىپ ءوسىپ كەتۋىنە ىڭعايلى. 2023 جىلى بارلىعى 320 مىڭ اعاش وتىرعىزىلىپ، 2،3 ملن اعاشقا 4 رەت بيولوگيالىق وڭدەۋ جۇرگىزىلەدى.