جاستارعا جۇمىس تابىلادى

الماتى قالاسى جاستار ساياساتى باسقارماسىنىڭ قولداۋىمەن بوستاندىق اۋدانىندا "Career Day" بوس ورىندار جارمەڭكەسى ءوتتى.

"Career Day" - بۇل ۇزدىك كومپانيالار وزدەرىنىڭ بوس جۇمىس ورىندارى مەن دارىندى ماماندار ءۇشىن مۇمكىندىكتەرىن ۇسىناتىن الاڭ، دەپ حابارلايدى Almaty-akshamy.kz.

ءىس-شاراعا IT، قارجى، ءبىلىم بەرۋ جانە ت.ب ءارتۇرلى سالاداعى جەتەكشى كومپانيالار اتسالىستى. قاتىسۋشىلار اراسىندا بوس جۇمىس ورىندارىن ۇسىنۋعا دايىن ءىرى كورپوراسيالار دا، پەرسپەكتيۆالى ستارتاپتار دا بولدى.

«قالا، اۋدان جاستارىنا ارنالعان بوس جۇمىس ورىندارىنىڭ جارمەڭكەسى ۇيىمداستىرىلدى. اۋدانىمىزدىڭ الەۋەتى جوعارى. ءىرى كاسىپورىندار، كوپتەگەن جۇمىس ورىندارى دا وسىندا. سوندىقتان ەكى قولعا ءبىر كۇرەك تابالادى. يگى ىستەر كوپ بولسىن»، - دەدى بوستاندىق اۋدانى اكىمى ورىنباسارى ساكەن ارالبايەۆ.

سونىمەن قاتار ەڭبەك ىستەۋگە كوپتەگەن نيەتتى جاستار شوعىرى بايقالادى. ولار ومىردەن ءوز جولىن تاۋىپ، ۇلكەن ماقساتتارعا ۇمتىلاتىنىن جەتكىزدى.

«ءبىز جاسپىز. بولاشاققا جوسپارلاعان ءبىراز ىستەر بار. ەندىگى كەزەكتە ويلاعان شارۋانى ىستەپ، ناتيجەگە جەتسەك دەپ تالپىنىپ ءجۇرمىز»، - دەدى جاس مامان اڭسار ەرگەن.