الماتى قالاسى، الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى قايرات دالبەكوۆ №10 مەكەمەگە بارىپ، سوتتالعان ايەلدەردى جەكە ءوزى قابىلدادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جەكە قابىلداۋ بارىسىندا دەپارتامەنت باستىعى ايەلدەردىڭ وتىنىشتەرىن تىڭدادى. سۇراقتار نەگىزىنەن ۇستاۋ شارتتارىنا، مەديسينالىق قىزمەت كورسەتۋ جانە جۇمىسقا ورنالاسۋعا قاتىستى بولدى. بارلىق وتىنىشتەر بويىنشا قۇقىقتىق سيپاتتاعى تۇسىنىكتەمەلەر، تولىق جاۋاپتار مەن ۇسىنىمدار بەرىلدى. پروبلەمالىق ماسەلەلەردى قاراۋ كەزىندە بەلگىلى ءبىر شەشىمدەر قابىلدانىپ، مەكەمە اكىمشىلىگى ءۇشىن مىندەتتەر قويىلدى. جۇمىس ساپارىنىڭ ناتيجەلەرى بويىنشا تيىمدىلىك تالدانىپ، ورىندالاتىن مىندەتتەر مەن ەرەكشەلىكتەردى ەسكەرە وتىرىپ، دەپارتامەنتتىڭ ءاربىر مەكەمەسى مەن بولىمدەرى ءۇشىن ۇسىنىمدار ازىرلەندى.
«مەن ۆەدومستۆولىق باعىنىستى مەكەمەلەردە سوتتالعانداردى جەكە قابىلداۋدى اپتا سايىن تۇراقتى نەگىزدە وتكىزەمىن. بۇدان باسقا، سوتتالعانداردى جەكە قابىلداۋ بارىسىندا ساپالى ءتۇسىندىرۋ اقپاراتىن بەرۋ ءۇشىن بارلىق قاجەتتى شارالار جۇرگىزىلىپ جاتىر»، – دەپ اتاپ ءوتتى قايرات دالبەكوۆ.