10 قالالىق ەمحاناسى الماتى قالاسى «شاڭىراق» الەۋمەتتىك قىزمەت كورسەتۋ ورتالىعى» كوممۋنالدىق مەملەكەتتىك مەكەمەسىنىڭ باسشىلىعىمەن بىرلەسىپ، ورتالىق تۇرعىندارىنا پروفيلاكتيكالىق تەكسەرۋدى ءساتتى ۇيىمداستىردى.
شارا اياسىندا 10 قالالىق ەمحاناسى ماماندارى ەمحانادا تىركەلگەن ورتالىقتىڭ 306 تۇرعىنىن قابىلداۋدان وتكىزدى، دەپ حابارلايدى Almaty-akshamy.kz.
تۇرعىندارعا مەديسينالىق كومەكتىڭ بارىنشا ىڭعايلىلىعى مەن قولجەتىمدىلىگىن قامتاماسىز ەتۋ ءۇشىن ەمحانا باسشىلىعى مامانداندىرىلعان دارىگەرلەر، سونىڭ ىشىندە كارديولوگتىڭ، وفتالمولوگتىڭ، ەندوكرينولوگتىڭ، ماممولوگتىڭ، ۋرولوگتىڭ، نيەۆروپاتولوگتىڭ، ينفەكسيونيستتىڭ، حيرۋرگتىڭ جانە دەرماتولوگتىڭ قاراپ تەكسەرۋىن ۇيىمداستىردى.
تەكسەرۋ بارىسىندا ماماندار قاجەتتى زەرتتەۋلەردى، سونىڭ ىشىندە قانداعى گليۋكوزا دەڭگەيىن ولشەۋدى جۇرگىزىپ، بىلىكتى كومەك كورسەتتى جانە بەلگىلەنگەن دياگنوزدارعا سايكەس ءارى قاراي ەمدەۋگە ۇسىنىستار بەردى.
ورتالىق تۇرعىندارى مەن باسشىلىعى 10 قالالىق ەمحاناسى باسشىلىعىنا، كلينيكالىق دياگنوستيكالىق كومەك بەرۋ ءبولىمىنىڭ مەڭگەرۋشىسى گ.ا.بوگەنبايەۆاعا، سونداي-اق ءىس-شاراعا قاتىسقان بارلىق ماماندارعا جوعارى باعا بەرىپ، كاسىپقويلىعى، ءار پاسيەنتكە قامقورلىعى مەن كوڭىل بولگەنى ءۇشىن. العىستارىن ءبىلدىردى.