ولارعا ءبىرقاتار شەكتەۋ قويىلعان.
وڭىرلىك كوممۋنيكاسيالار قىزمەتىنىڭ بريفينگىنە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى يلدار ۇيسىمبايەۆ قاتىستى، دەپ حابارلايدى Almaty-akshamy.kz
ونىڭ ايتۋىنشا، مەملەكەتتىك قىزمەتشىلەرگە الەۋمەتتىك جەلىلەردە پاراقشالار اشۋعا رۇقسات ەتىلگەن، ءبىراق بەلگىلى ءبىر شەكتەۋلەر بار.
مەملەكەت باسشىسى حالىقپەن ءتيىمدى جانە ساپالى قارىم-قاتىناس جاساۋ ءۇشىن مەملەكەتتىك قىزمەتشىلەردىڭ الەۋمەتتىك جەلىلەردە بولۋىنىڭ ماڭىزدىلىعىن «ءاربىر مەملەكەتتىك قىزمەتشى قاداعالاناتىن ماسەلەلەر بويىنشا الەۋمەتتىك جەلىلەردە بەلسەندى بولۋى كەرەك» دەپ بىرنەشە رەت اتاپ وتكەن بولاتىن مەملەكەتتىك قىزمەتشىلەردىڭ جەكە پاراقشاسىن جۇرگىزۋىندە دەپارتامەنتتە اتاپ وتكەندەي، ءبىرقاتار شەكتەۋلەر بار.
«الەۋمەتتىك جەلىلەردەگى پاراقشالاردىڭ مازمۇنىنا قاتىستى ازاماتتاردى ارانداتپاۋعا جانە مەملەكەتتىك ورگاندارعا دەگەن سەنىمگە نۇقسان كەلتىرمەۋى ءتيىس تۇستار بار. مەملەكەتتىك قىزمەتشىلەرگە قىمبات كولىكتەردىڭ، ءساندى عيماراتتاردىڭ، مەيرامحانالاردىڭ جانە ت.ب. فونىندا ويىن-ساۋىق ورىندارىندا تۇسكەن فوتوسۋرەتتەرىن جاريالاۋعا تىيىم سالىنادى. مەملەكەتتىك قىزمەتشى جۇمىس ۋاقىتىنان تىس ۋاقىتتا دا جالپى قابىلدانعان مورالدىق قاعيدالاردى ۇستانۋى كەرەك»، - دەپ ءتۇسىندىردى سپيكەر.
اتالعان شەكتەۋلەردەن باسقا، ادەپ كودەكسىنە سايكەس، مەملەكەتتىك قىزمەتشىلەر مەملەكەتتىك قىزمەتتىڭ بەدەلىن تۇسىرەتىن اقپاراتتى، تىيىم سالىنعان زاتتاردى قولدانۋ ارقىدى ادەپسىز مىنەز-قۇلىقتى كورسەتەتىن فوتوسۋرەتتەردى جاريالاماۋى جانە ناقتى ءدىني ۇستانىمدارىن كورسەتپەۋى ءتيىس.