قالا اكىمى ەربولات دوسايەۆ Wildberries حالىقارالىق ماركەتپلەيسىنىڭ نەگىزىن قالاۋشى تاتيانا باكالچۋكپەن كەزدەستى، دەپ حابارلايدى اlmaty-akshamy.kz.
كەزدەسۋ بارىسىندا تاراپتار الماتى يندۋستريالىق ايماعىنىڭ اۋماعىندا لوگيستيكالىق ورتالىق سالۋ مۇمكىندىگىن تالقىلادى. Wildberries لوگيستيكالىق ورتالىقتىڭ قۇرىلىسىنا شامامەن 100 ميلليون اقش دوللارىن ينۆەستيسيالاۋدى جوسپارلانىپ وتىر. ينۆەستيسيالىق جوبا اياسىندا مەگاپوليس كاسىپكەرلەرىنە ينتەرنەت ارقىلى ساتۋ نارىعىندا ولاردىڭ بيزنەسىن كەڭەيتۋگە جاردەمدەسۋ كۇتىلەدى.
«مەن الماتىدا جانە استانادا Wildberries دامۋىن بايقادىم. اياق الىسى وتە جاقسى، كومپانيا جىلدام قارقىنمەن دامىپ كەلەدى. ساپالى قىزمەت كورسەتىپ، لايىقتى ورىن الدىڭىزدار. ءسىزدىڭ كومپانياڭىزدىڭ رەسەيدەگى ۇلەسى جوعارى ەكەنى تۇسىنىكتى، ءبىراق قازاقستان بيزنەس ءۇشىن سەنىمدى سەرىكتەس بولا الادى. ءبىز تۇراقتىمىز، اشىقپىز. ءبىز ءۇشىن ماڭىزدى مىندەتتىڭ ءبىرى – جەرگىلىكتى ينۆەستور ءۇشىن دە، شەتەلدىك ينۆەستور ءۇشىن دە بيزنەستى جۇرگىزۋ ءۇشىن قولايلى جاعداي جاساۋ»، - دەپ اتاپ ءوتتى اكىم ەربولات دوسايەۆ.
تاتيانا باكالچۋك الماتىدا لوگيستيكالىق ورتالىقتىڭ قۇرىلىسى قازاقستاندىق وندىرۋشىلەر ءۇشىن Wildberries-پەن اينالىساتىن بارلىق وڭىردەگى نارىققا اۆتوماتتى تۇردە جول اشادى دەپ سەنەدى.
«ءبىز قازاقستانمەن سەرىكتەستىككە مۇددەلىمىز، قىزمەتىمىزدى كەڭەيتۋگە دايىنبىز. ءبىزدىڭ الاڭدا ءتۇرلى ونىمدەر، سونىڭ ىشىندە قازاقستاندىق كاسىپكەرلەردىڭ ونىمدەرى ۇسىنىلعان جانە جاقىن ارادا ءسىزدىڭ ەلىمىزدىڭ ءونىمى كوبەيەدى دەپ ۇمىتتەنەمىز»، - دەدى تاتيانا باكالچۋك.
كەلىسسوز قورىتىندىسى بويىنشا تاراپتار ءوزارا تۇسىنىستىك پەن ىنتىماقتاستىق تۋرالى مەموراندۋمعا قول قويدى.