بيىل الماتى اۆتوبۋستارىندا قارتتارعا ورىن بەرۋگە شاقىراتىن دىبىستىق حابارلاندىرۋ ىسكە قوسىلادى
بۇل تۋرالى بوستاندىق اۋدانىنىڭ تۇرعىندارىمەن كەزدەسۋ بارىسىندا مەگاپوليس اكىمى ەربولات دوسايەۆ حابارلادى.
تۇرعىننىڭ سۇراعى:
مەن قالا ماڭىنا اۆتوبۋسپەن ءجيى قاتىنايمىن، جاستار قارت ادامدارعا، جۇكتى ايەلدەرگە ورىن بەرمەيتىن جاعدايدى ۇنەمى باقىلاپ وتىرامىن. وسى رەتتە ورىن بەرۋ جونىندە دىبىستىق ەسكەرتۋدى جاساۋعا بولا ما؟
اكىم ەربولات دوسايەۆتىڭ جاۋابى:
وسى باعىتتاعى جۇمىس ءقازىردىڭ وزىندە جۇرگىزىلۋدە جانە اعىمداعى جىلدىڭ 1 شىلدەسىنەن باستاپ قوعامدىق كولىكتە ايالدامالاردىڭ اتاۋىمەن جانە قارتتارعا، جۇكتى ايەلدەرگە، بالالارى بار جولاۋشىلارعا ورىن بەرۋگە، سونداي-اق بىر-بىرىنە قۇرمەت كورسەتۋگە شاقىراتىن دىبىستىق حابارلاۋ جۇيەسىن ەنگىزۋ جوسپارلانۋدا.