بيىل رامازان ايى 11 ناۋرىزدا باستالىپ، 9 ساۋىردە اياقتالادى. وڭىرلىك كوممۋنيكاسيالار قىزمەتىنىڭ الاڭىندا قاسيەتتى ايدى وتكىزۋ تۋرالى الماتى قالاسىنىڭ باس يمامى تولەبي وسپان حابارلادى.
رامازان - مۇسىلماندار ورازا ۇستايتىن پارىز ايى. بۇل يسلامنىڭ بەس تىرەگىنىڭ ءبىرى، ءار سەنۋشى ءۇشىن قاسيەتتى ءدىن نەگىزدەرى.
سپيكەر ورازا كەزىندە مۇسىلماندار كۇندىزگى ۋاقىتتا تاماق پەن سۋ ىشۋدەن تىيىلاتىنىن، سونداي-اق ويىن-ساۋىق پەن كوڭىل كوتەرۋگە، الكوگول ىشۋگە جانە جامان ءسوز ايتۋعا تىيىم سالىناتىنىن ەسكە سالدى.
«سىزدەردى كيۋقاسيەتتى رامازان ايىنىڭ كەلۋىمەن شىن جۇرەكتەن قۇتتىقتايمىن، بۇل ايدى ءدىني سەنىمدەگىلەر جىل سايىن كۇتەدى جانە بۇكىل مۇسىلمان قاۋىمى اسىعا كۇتەدى! رامازان - تىيىلۋ ايى. بۇل تاماق پەن سۋسىننان عانا ەمەس، كۇنا مەن زۇلىمدىقتان باس تارتۋ ۋاقىتى. حاديستە:«كىمدە-كىم جامان ءسوزى مەن جامان ىس-ارەكەتتەن تىيىلماسا، ونىڭ تاماق جەۋدەن جانە سۋسىن ىشۋدەن تىيىلعانىنان اللا تاعالاعا ەشبىر كەرەگى جوق دەلىنگەن»، - دەدى تولەبي وسپان.
سونداي-اق، سپيكەر الماتىدا قاسيەتتى رامازان ايىن مەرەكەلەۋ جوسپارى بەكىتىلگەنىن ايتتى. بيىلعى جىلى قالانىڭ 54 مەشىتىنىڭ 50 -ىندە قۇران حاتىم جاسالىپ، تاراۋيح نامازى وقىلادى.
بۇدان باسقا، الماتىنىڭ ورتالىق مەشىتىندە كۇن سايىن 500 ادامعا ارنالعان ۇلكەن يفتار (اۋىزاشار) ۇيىمداستىرىلاتىن «رامازان شاتىرى» سالىنادى. سونداي-اق، جەرگىلىكتى اۋىزاشارلار قالانىڭ باسقا مەشىتتەرىندە دە وتكىزىلەتىن بولادى.
رەسمي تۇردە قمدب بيىلعى جىلدى «يسلام جانە ءداستۇر قۇندىلىعى» جىلى دەپ جاريالادى، وسىعان بايلانىستى قاسيەتتى ايدا ءىس-شارالار ءبىزدىڭ داستۇرلەرىمىزگە سايكەس وتەدى.
«ورازا ايى ناۋرىز مەرەكەسىمەن سايكەس كەلەتىندىكتەن، كەشكى اۋىزاشار كەزىندە مەشىت قوناقتارىنا ناۋرىز كوجە مەن باۋىرساق تاعامدارىنان ءدام تارتىلادى. اۋىزاشار وتەتىن ورىندار قازاقى ورنەكتەرىمەن بەزەندىرىلىپ، رامازان ايىنىڭ قۇرمەتىنە «جاراپازان» ورىندالادى، - دەدى ت. وسپان.
رامازانداعى اۋىز بەكىتۋ مەن ناماز ۋاقىتىنىڭ كەستەسىن قازاقستان مۇسىلماندارى ءدىني باسقارماسىنىڭ muftyat.kz جانە azan.kz. سايتىنان تابۋعا بولادى.
بۇدان باسقا، لاۋازىم بويىنشا سۇراقتار، ءدىني ماسەلەلەر تۋىنداعان جاعدايدا، قاجەتتى اقپاراتتى قازاقستان مۇسىلماندارى ءدىني باسقارماسى جانىنداعى ءدىني اقپارات بەرۋ ورتالىعىنان الۋعا بولادى. ورتالىق ءنومىرى - +7 (707) 233-30-30، WhatsApp +7 (707) 662 6561. الماتى ورتالىق مەشىتى جانىنداعى ورتالىق ءنومىرى– +7 707 939 7708.