جالپى 11 وبلىستا 20 جاڭا سۋ قويماسىن سالۋدى جوسپارلانعان.
بيىل قازاقستاننىڭ ءار وڭىرىندە بەس سۋ قويماسىنىڭ قۇرىلىسىن باستاۋ جوسپارلانىپ وتىر، دەپ حابارلايدى Almaty-akshamy.kz
سۋ رەسۋرستارى جانە يرريگاسيا مينيسترلىگىنىڭ حابارلاۋىنشا، سەگىز نىساننىڭ قۇجاتتارى ازىرلەنىپ جاتىر. جالپى 11 وبلىستا 20 جاڭا سۋ قويماسىن سالۋدى جوسپارلانىپ وتىر. جۇمىس 2024-2028 جىلدار ارالىعىندا ورىندالۋعا ءتيىس.
جاڭا سۋ قويمالارى سۋارمالى جەرلەردىڭ اۋدانىن 250 مىڭ گەكتارعا ۇلعايتۋعا جانە 137 مىڭ تۇرعىنى بار 70 اۋىلدىق ەلدى مەكەندى سۋ باسۋ ءقاۋپىن ازايتۋى كەرەك.
"قۇرىلىس جۇمىستارى سۋ شارۋاشىلىعىن دامىتۋدىڭ 2024-2030 جىلدارعا ارنالعان كەشەندى جوسپارىنا سايكەس جۇرگىزىلەدى. ءقازىر جاڭا سۋ قويمالارىن سالۋعا ينۆەستورلاردى تارتۋ بويىنشا كەلىسسوزدەر جۇرگىزىلىپ جاتىر. جوبا ەلدىڭ سۋ قاۋىپسىزدىگىن قامتاماسىز ەتۋ جانە ترانسشەكارالىق وزەندەرگە تاۋەلدىلىكتى ازايتۋ ءۇشىن ىسكە اسىرىلادى"، دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.