فارحات داۋىلبەكوۆ، ۇلكەن اۋىلىنىڭ تۇرعىنى:
زياندى دەپ ايتۋشىلار بار، ءبىراق ءبىز شىنايى ومىردە ءار نارسەنىڭ ەكى جاعى بارىن ءتۇسىنۋىمىز كەرەك. ەگەر ءبارىن زياندى دەپ تىيىپ تاستاساق، قاراڭعىدا وتىراتىن كۇنگە جەتەمىز. شەتەلدەر الدەقاشان اتوم ەنەرگياسىن قولدانىپ، دامىپ كەتتى. جاپونيا سياقتى ەلدەردە جيىرمادان استام اەس جۇمىس ىستەپ تۇر. قازاقستانعا دا وسىنداي بىر-ەكى اەس ورناتۋعا نەگە بولمايدى؟ ەلەكتر ەنەرگياسىنىڭ باعاسى كۇن سايىن ءوسىپ جاتىر، ال اەس – بۇل ماسەلەنى شەشۋدىڭ ءتيىمدى جولى.
ۇلكەن اۋىلىنىڭ تۇرعىندارى ءۇشىن بۇل جوبا اۋىلدى قايتا جاڭعىرتۋعا ۇلكەن مۇمكىندىك بولماق. جۇمىس ورىندارىنىڭ اشىلۋى، اۋىلداعى ينفراقۇرىلىمنىڭ دامۋى جانە جەرگىلىكتى ەكونوميكانىڭ وركەندەۋى – وسىنىڭ ءبارى اەس قۇرىلىسىنا بايلانىستى. جاستار قالاعا كەتۋگە ءماجبۇر بولمايدى، اۋىلدا تۇراقتى جۇمىس پەن دامۋعا جول اشىلادى.