ۇلكەن اۋىلىنىڭ بولاشاعى جارقىن بولادى دەپ سەنەمىن

كەنجەمۇرات قاسەنوۆ، ۇلكەن اۋىلدىق وكرۋگىنىڭ اكىمى:

پرەزيدەنتتىڭ قازاقستان حالقىنا بيىلعى جولداۋىندا اتاپ كورسەتىلگەندەي، اەس سالۋ بويىنشا رەفەرەندۋم 6 قازاندا وتەتىن بولىپ بەلگىلەندى. بۇل ەل ءۇشىن ستراتەگيالىق ماڭىزى بار نىساننىڭ قۇرىلىسىن جۇرگىزۋگە اباي وبلىسىنداعى كۋرچاتوۆ قالاسى مەن الماتى وبلىسىنداعى ۇلكەن اۋىلى قاراستىرىلىپ وتىر. ايماقتى تاڭداۋدىڭ دا وزىندىك سەبەپتەرى بار. اتوم ەلەكتر ستانساسىنداعى رەاكتورلاردى سالقىنداتۋ ءۇشىن مول سۋ قورى قاجەت. وسى سەبەپتى ەرتىس وزەنىنىڭ بويىندا ورنالاسقان كۋرچاتوۆ قالاسى مەن بالقاش كولىنىڭ جاعالاۋىنداعى ۇلكەن اۋىلى تاڭدالدى.

ۇلكەن اۋىلى قونايەۆ قالاسىنان 330 شاقىرىم قاشىقتىقتا ورنالاسقان، مۇندا ءۇش مىڭعا جۋىق حالىق تۇرادى. بۇرىن بۇل ايماق قۇرىلىسى قايناپ تۇرعان، قالادا تىرشىلىك قىز-قىز قايناپ، كوپتەگەن ۇيلەر سالىنىپ جاتتى. بۇگىندە كەيبىر ۇيلەر قاڭىراپ بوس قالعان. ءبىراق، اەس سالىناتىن بولسا، ۇلكەن اۋىلىنىڭ بولاشاعى جارقىن بولادى دەپ سەنەمىن.

بۇل اۋىل 1980 جىلى جوسپارلانىپ، 1984 جىلى قۇرىلىس باستالعان. باستاپقىدا بۇل ايماق وڭتۇستىك قازاقستان گرەس-ىن سالۋعا نەگىزدەلگەن شاعىن قالاشىق رەتىندە قۇرىلعان بولاتىن. سول كەزدە مۇندا جاستارعا جۇمىس بولاتىن. ءقازىر جۇمىس ورىندارى ازايعاندىقتان، كوپتەگەن تۇرعىندار ۇلكەن قالالارعا قونىس اۋداردى. دەگەنمەن، اەس قۇرىلىسى جۇزەگە اسسا، اۋىلىمىزعا سول ازاماتتار قايتا ورالىپ، جاڭا مۇمكىندىكتەر اشىلادى دەپ ۇمىتتەنەمىز.