الماتى قالاسىنىڭ قاج دەپارتامەنتىنە قاراستى №11 مەكەمەسىنىڭ تاربيەلەنۋشىلەرى دە ۇلى جەڭىستىڭ 80 جىلدىعى قۇرمەتىنە مادەني ءىس-شارا وتكىزدى. بالالار كولونياسىندا وتكەن مەرەكەگە الماتى قالاسى ءسان جانە ديزاين كوللەدجىنىڭ ستۋدەنتتەرى قولداۋ كورسەتتى.
وتانشىلدىقتى، تاريحقا، اعا بۋىنعا قۇرمەتتى دارىپتەگەن ءىس-شارا مەملەكەتتىك گيمنمەن اشىلىپ، كونسەرتتىك باعدارلاماعا ۇلاستى. كەزىندە ۇلى وتان سوعىسىندا وق پەن وتتىڭ ورتاسىندا جۇرگەن مايدانگەرلەردى جەڭىسكە رۋحتاندىرۋ ماقساتىندا تۋعان پاتريوتتىق اندەر شىرقالدى.
جاۋىنگەرلەر ومىرىنەن سىر شەرتەتىن ساحانالىق قويىلىمدار ۇسىنىلدى. اسكەري بەينەكليپتەر دە جەتكىنشەكتەرگە وي سالعانى انىق. ولار بىزگە بەيبىت ءومىر سىيلاعان اتالارىمىزدىڭ رۋحىن ءبىر مينۋت ۇنسىزدىكپەن ەسكە الدى.
مەرەكەلىك ءىس-شارانى جاستاردىڭ ورىنداۋىنداعى ايگىلى «ۇلى جەڭىس كۇنى» ءانى تۇيىندەدى.