قازاقستان پرەزيدەنتى قاسىم-جومارت توقايەۆ قازاقستان حالقى اسسامبلەياسىنىڭ ءحححىV سەسسياسىندا سويلەگەن سوزىندە قحا-نىڭ ەل ىشىندەگى ەڭبەك مادەنيەتىن نىعايتۋداعى ماڭىزىن اتاپ ءوتتى. بۇل تۋرالى Aqshamnews.kz سايتى حابارلايدى.
مەملەكەت باسشىسى اسسامبلەيانىڭ تەك ەتنوسارالىق كەلىسىمدى عانا ەمەس، كاسىبيلىك پەن ەڭبەكقورلىق سياقتى قوعام ءۇشىن ماڭىزدى قۇندىلىقتاردى دا ناسيحاتتاپ كەلە جاتقانىن ايتتى. ونىڭ ايتۋىنشا، اسسامبلەيا مۇشەسى الەكساندر پاپپ «جۇمىسشى ماماندىقتارى جىلىن» وتكىزۋگە بەلسەنە اتسالىسقان.
سونداي-اق، وتكەن جىلى ەڭبەك كۇنىنە وراي سەنات پەن ءماسليحات دەپۋتاتتارى اسسامبلەيا مۇشەلەرىمەن بىرگە ەلىمىزدىڭ ءىرى كاسىپورىندارىنا بارىپ، ەڭبەك ارداگەرلەرىنە قۇرمەت كورسەتكەن. پرەزيدەنت بۇل باستامانى جاڭا ءداستۇر رەتىندە جالعاستىرۋدى ۇسىندى.
"قحا بۇگىندە قوعامدىق كەلىسىمنىڭ بىرەگەي ينفراقۇرىلىمىن قالىپتاستىرعان قۋاتتى تارماقتارى بار ينستيتۋتقا اينالدى. جەر جۇزىندە مۇنداي بىرەگەي ۇيىم قۇرا بىلگەن مەملەكەت كەمدە-كەم"، – دەدى توقايەۆ.
پرەزيدەنتتىڭ ايتۋىنشا، اسسامبلەيانىڭ ارقاسىندا ەلدەگى بارلىق ەتنوستار قازاقستانداعى وڭ وزگەرىستەردىڭ بەل ورتاسىندا ءجۇر.