شارا ماقساتى - ادام ساۋداسىنا بايلانىستى بولىپ جاتقان پروبلەمالارعا نازار اۋدارتۋ.
دۇنيەجۇزىلىك ادام ساۋداسىنا قارسى كۇرەس كۇنىنە وراي «جاسوتاندىقتار» «ءبىز ادام ساۋداسىنا قارسىمىز!» اكسياسىن وتكىزدى، دەپ حابارلايدى Almaty-akshamy.kz.
ءىس-شارانىڭ ماقساتى - ادام ساۋداسىنا بايلانىستى بولىپ جاتقان پروبلەمالارعا نازار اۋدارتۋ جانە «بىرگە ادام ساۋداسىنا قارسىمىز!» ۇرانىمەن مەملەكەتتىك ۇيىمدار مەن ازاماتتىق قوعامداردى جۇمىلدىرۋ.
اتالمىش ءىس-شارا Atakent Moll ساۋدا ورتالىعىندا ءوتتى. ال، اكسيانىڭ سيمۆولى – «كوك جۇرەك» بولدى. ول ادام ساۋداسى قۇرباندارىنىڭ وكىنىشى، ادامداردى ساتقانداردىڭ تاس جۇرەگىنىڭ بەلگىسى. بەلسەندىلەر اكسيا بارىسىندا قاتىسۋشىلار مەن قوناقتارعا قالا تۇرعىندارىنا ادام ساۋداسى ماسەلەسى تۋرالى ەسكەرتىپ، «كوك جۇرەك» بەينەلەنگەن پەچەنەلەر تاراتتى.
سونىمەن قاتار، ءبىر توپ بەلسەندىلەر بارلىق سانيتارلىق نورمالاردى ساقتاي وتىرا، ادام ءجيى جۇرەتىن ورىندارعا بارىپ، الدىن الۋ جۇمىسىن جۇرگىزدى. قالا تۇرعىندارىنا ادام ساۋداسى ماسەلەسى، تەتىكتەر، قۇلدىقتىڭ سالدارى تۋرالى ايتىلدى. "جاسوتاندىقتار" تاقىرىپتىق بۋكلەتتەر، جاپسىرمالار، سونداي-اق بايلانىس نومىرلەرى كورسەتىلگەن جادىنامالار مەن پلاكاتتاردى تاراتىپ، قازاقستاننىڭ وزگە دە وڭىرلەرىنە چەللەندج جولدادى.
ەڭ قورقىنىشتىسى، كەيبىرەۋلەر ءۇشىن ادام ساۋداسى ماڭگىلىككە قيراتىلعان ءومىر بولسا، ال باسقالارى ءۇشىن ميلليونداعان، ءتىپتى ميللياردتاعان دوللار پايدا ەكەندىگىندە. 30 شىلدە - دۇنيەجۇزىلىك ادام ساۋداسىنا قارسى كۇرەس كۇنى، بۇل دەگەنىمىز ماسەلەنىڭ وزەكتىلىگىن تاعى ءبىر رەت كورسەتىپ، ادامزات تاريحىنىڭ ەجەلگى داۋىردەن بەرى جالعاسىپ كەلە جاتقان جانە اقپاراتتىق قوعامنىڭ پروگرەسسيۆتى داۋىرىندە دە جويا الماعان بولشەگى رەتىندە قالا بەرەتىن قاۋىپتىلىك ەكەندىگىن ەسكە سالادى.
اكسياعا كريمينالدىق پوليسيا دەپارتامەنتىنىڭ وكىلدەرى قاتىسىپ، قولداۋ كورسەتتى.
